தங்கம் விலையில் வரலாறு காணாத மாற்றம்.. நகை வாங்குவோர் உற்சாகம்.. நகைக்கடைகளில் குவியும் மக்கள்!
சென்னை: தங்கம் விலை வரலாறு காணாத சரிவை சந்தித்துள்ளது. தங்கம் விலை அண்மைக்காலமாக ஏற்ற இறக்கத்துடன் இருந்து வரும் நிலையில் கடந்த நான்கு நாளில் மட்டும் 1800 ரூபாய் சரிந்துள்ளது. தங்கம் விலை இன்று மட்டும் சவரனுக்கு 336 ரூபாய் சரிந்துள்ளது
இன்று காலை ஒரு சவரன் தங்கம் 35528 ரூபாய்க்கு சென்னையில் விற்பனையாகியது. மேலும் சென்னையில் தங்கம் விலை ஒரு கிராம் 4441 ரூபாய்க்கு விற்பனையாகி வருகிறது.
தங்கத்திற்கு போடப்பட்ட இறக்குமதி வரிகுறைந்த காரணத்தால் தங்கம் விலை குறைந்திருப்பதாக சொல்லப்படுகிறது. அதேநேரம் தங்கம் விலை குறைய சர்வதேச காரணிகளும் உள்ளதாக சொல்லப்படுகிறது.
எவ்வளவு சரிவு
சென்னையில் நேற்று முன்தினம் கிராமுக்கு ரூ.36 குறைந்து ஒரு கிராம் ரூ.4,529க்கும், சவரனுக்கு ரூ.288 குறைந்து ஒரு சவரன் ரூ.36,232க்கும் விற்கப்பட்டது. 3வது நாளாக நேற்று காலை தங்கம் விலை சரிவை சந்தித்தது.கிராமுக்கு ரூ.32 குறைந்து ஒரு கிராம் ரூ4,497க்கும், சவரனுக்கு ரூ.256 குறைந்து ஒரு சவரன் ரூ.35,976க்கும் விற்பனையானது. நேற்று மாலையில் தங்கம் விலை மேலும் சரிந்தது. அதாவது நேற்று முன்தினம் விலையை விட கிராமுக்கு 46 குறைந்து ஒரு கிராம் 4,483க்கும், சவரனுக்கு 368 குறைந்து ஒரு சவரன் 35,864க்கும் விற்கப்பட்டது.
நகை வாங்குவோர் உற்சாகம்
நேற்றுடன் சேர்த்து தொடர்ச்சியாக 3 நாட்களில் மட்டும் சவரன் ரூ.1,136 அளவுக்கு குறைந்து இருந்தது. இதனால் இன்றும் தங்கம் விலை குறையுமா என்ற எதிர்பார்ப்பு எழுந்தது. எதிர்பார்த்தபடியே நகை விலை குறைந்து நகை வாங்குவோரை மகிழ்ச்சியில் ஆழ்த்தியுள்ளது.
விற்பனை அதிகரிப்பு
தங்கம் விலை இன்று மேலும் 336 ரூபாய் குறைந்து, 22 கேரட் ஆபரண தங்கம் தற்போது ஒரு சவரன் . 35528 ரூபாய்க்கு விற்பனையாகிறது. ஒரு கிராம் 4441 ரூபாய்க்கு விற்பனையாகி வருகிறது. தங்கம் விலை நான்கு நாளில் மட்டும் 1800 ரூபாய்க்கு மேல் குறைந்தது மக்களை மகிழ்ச்சிக்குள்ளாக்கி உள்ளது. இதனால் நகைக்கடைகளில் விற்பனை அதிகரித்துள்ளது.
குறைந்தது வெள்ளி விலை
தங்கம் விலையை போல் வெள்ளி விலையும் இன்று குறைந்துள்ளது. ஒரு கிலோ பார் வெள்ளி 72200 ரூபாயில் இருந்து 72000 ஆக குறைந்துள்ளது. ஒரு கிராம் வெள்ளி சென்னையில் 72 ரூபாய்க்கு விற்பனையாகிறது.
Click it and Unblock the Notifications
Sign in with Google