தங்கம் விலை ஏறினாலும் லாபமா? அட்சய திருதியை “அந்த” ஜுவல்லரி திட்டத்தில் மறைந்த உண்மை என்ன?

சென்னை: அட்சய திருதி 2026-ல் வந்துவிட்டது.. இந்த ஒரு நாள் உங்கள் பண அதிர்ஷ்டத்தை மாற்றக்கூடும் என்பதறியுமா?.. தங்கம் வாங்க சரியான நேரம் தெரியாமல் காத்திருக்கிறீர்களா?.. இந்த அட்சய திருதியை 2026 சுப முகூர்த்தம் உங்கள் வாய்ப்பை தீர்மானிக்கும்.. ஒரு சிறிய முதலீடு கூட பல மடங்கு ஆகும் நாள் இது தான்.. ஏப்ரல் 19-ல் வரும் இந்த மங்கள நாள் தவறினால் இழப்பு உங்களுக்கே.. இங்கே அதை சுருக்கமாக பார்க்கலாம்.

அட்சய திருதியை என்றாலே நம் நினைவுக்கு வருவது தங்கம் தான்.. 'அட்சயம்' என்றால் அழியாதது அல்லது குறையாதது என்று பொருள்.. இந்த மங்களகரமான நாளில் நாம் செய்யும் ஒரு சிறிய முதலீடு கூட எதிர்காலத்தில் பல மடங்காகப் பெருகும் என்பது நம்பிக்கையாகும்.

அதனால்தான் வருடம் முழுவதும் காத்திருந்து, இந்த நாளில் ஒரு குண்டுமணி தங்கமாவது வாங்கிவிட வேண்டும் என்று மக்கள் திட்டமிடுவார்கள்.. அந்த வகையில் 2026-ஆம் ஆண்டு அட்சய திருதியை வரும் ஏப்ரல் 19, ஞாயிற்றுக்கிழமை அன்று கொண்டாடப்படுகிறது..

தங்கம் வாங்க உகந்த நேரங்கள்

இந்த ஆண்டு திருதியை திதியானது ஏப்ரல் 19-ஆம் தேதி காலை 10:49 மணிக்குத் தொடங்கி, ஏப்ரல் 20-ஆம் தேதி காலை 07:27 மணி வரை நீடிக்கிறது.. இதில் தங்கம் வாங்குவதற்கு மிகச் சிறந்த சுப முகூர்த்த நேரங்கள் இதோ:

ஏப்ரல் 19 (காலை): 10:49 மணி முதல் மதியம் 12:21 மணி வரை..

ஏப்ரல் 19 (மதியம்): 01:58 மணி முதல் மாலை 03:35 மணி வரை..

ஏப்ரல் 19 (மாலை/இரவு): 06:50 மணி முதல் இரவு 10:58 மணி வரை..

ஏப்ரல் 20 (அதிகாலை): 04:29 மணி முதல் காலை 05:52 மணி வரை..

பொதுவாக ஏப்ரல் 19, காலை 10:49 மணி முதல் ஏப்ரல் 20 காலை 07:27 மணி வரை நகை வாங்க மிக உகந்த நேரமாகும்.. பெரும்பாலானோர் ஏப்ரல் 19-ஆம் தேதி காலை நேரத்தையே நகை வாங்க சிறந்த நேரமாகக் கருதுகின்றனர்..

சூப்பர் ஆஃபர்கள்

தற்போது தங்கத்தின் விலை விண்ணைத் தொடும் அளவுக்கு உயர்ந்து வருவதால், பொதுமக்கள் தங்கம் வாங்கத் தயக்கம் காட்டலாம்.. இதைக் கருத்தில் கொண்டு முன்னணி நகைக்கடைகள் Gold Price Protection Plans7 எனப்படும் "விலை பாதுகாப்புத் திட்டங்களை" அறிமுகப்படுத்தியுள்ளன.. இத்திட்டத்தின் மூலம் நீங்கள் 25 சதவீதம் முன்பணம் செலுத்தி நகையைப் பதிவு செய்து கொள்ளலாம்..

இதன் மிகப்பெரிய லாபம் என்னவென்றால், அட்சய திருதியை அன்று ஒருவேளை தங்கத்தின் விலை உயர்ந்தால், நீங்கள் முன்பதிவு செய்த பழைய குறைந்த விலையிலேயே நகையை வாங்கலாம்.. அதே சமயம் விலை குறைந்திருந்தால், அன்றைய குறைந்த சந்தை விலையிலேயே நகையைப் பெற்றுக்கொள்ளலாம்.. இந்த சலுகை ஏப்ரல் 19 வரை மட்டுமே உள்ளது.. இந்தத் திட்டம் தங்கம் மற்றும் வைர நகைகளுக்கு மட்டுமே பொருந்தும்.. நாணயங்கள் மற்றும் கட்டிகளுக்கு இது பொருந்தாது..

நகைக்கடைகளின் மொத்த வருவாயில் 15 முதல் 18 சதவீதம் அக்ஷய திருதியை காலத்தில் கிடைப்பதால், இத்தகைய கவர்ச்சிகரமான திட்டங்கள் மூலம் விற்பனையை அதிகரிக்க நிறுவனங்கள் திட்டமிட்டுள்ளன. தற்போது தங்கம் மற்றும் வைர நகைகளுக்கு மட்டுமே இந்த விலை பாதுகாப்புச் சலுகை பொருந்தும் என்றும், தங்க நாணயங்கள் மற்றும் கட்டிகளுக்கு இது பொருந்தாது என்றும் தெரிவிக்கப்பட்டுள்ளது.

தங்கம் மட்டும் தான் வாங்க வேண்டுமா?

அட்சய திருதியை அன்று தங்கம் வாங்க முடியாதவர்கள் வருத்தப்படத் தேவையில்லை.. அன்றைய தினம் மகாலட்சுமியின் அம்சமாகக் கருதப்படும் கல் உப்பு அல்லது மஞ்சள் வாங்கினாலும் தங்கம் வாங்கியதற்கு இணையான பலன்கள் கிடைக்கும்.. இந்நாளில் தொடங்கப்படும் எந்த ஒரு நற்செயலும் பல மடங்கு பெருகும் என்பதால் புதிய முயற்சிகளையும் மேற்கொள்ளலாம்.. மேலும் ஏழைகளுக்கு உணவு, நீர் மற்றும் துணிகளைத் தானம் செய்வது அதிக புண்ணியத்தைத் தரும்..

அட்சய திருதியை என்பது வெறும் தங்கம் வாங்கும் நாள் மட்டுமல்ல.. பாண்டவர்களுக்கு அட்சய பாத்திரம் கிடைத்த நாள், கங்கை பூமிக்கு வந்த நாள் எனப் பல ஆன்மீகப் பின்னணிகளைக் கொண்டது.. 2026 அட்சய திருதியை நாளில் சரியான நேரத்தில் தங்கம் அல்லது மங்கலப் பொருட்களை வாங்கி, லட்சுமி கடாட்சத்தை உங்கள் வீட்டில் நிலைக்கச் செய்யுங்கள்..

English summary

Gold Price protection offers for Akshaya Tritiya 2026 give buyers A win win Advantage amid volatility