இந்திய பாஸ்போர்ட்.. பிரெஞ்சு தூதரகம் குட் நியூஸ்
சென்னை: பிரான்ஸ் வழியாக வேறொரு நாட்டிற்குச் செல்லும்போது, விமான நிலையத்தை விட்டு வெளியே வராமல் அங்கேயே காத்திருந்து அடுத்த விமானத்தைப் பிடிப்பதாக இருந்தால், உங்களுக்கு இனி விசா தேவையில்லை என அந்நாட்டு தூதரகம் அறிவித்துள்ளது
10 ஏப்ரல் 2026 முதல் அமலுக்கு வந்துள்ள புதிய விதிகளின்படி, சாதாரண பாஸ்போர்ட் வைத்துள்ள இந்தியக் குடிமக்கள், பிரான்ஸ் நாட்டின் விமான நிலையங்கள் வழியாகப் பயணம் செய்யும்போது இனி விமான நிலைய போக்குவரத்து விசா (Airport Transit Visa - ATV) வைத்திருக்க வேண்டிய அவசியமில்லை.
பிரான்ஸ் விமான நிலையத்தின் சர்வதேச பகுதிக்குள் மட்டும் தங்கியிருந்து, அங்கிருந்து மற்றொரு நாட்டிற்குப் பயணம் செய்யும் பயணிகளுக்கு மட்டுமே இந்தச் சலுகை பொருந்தும்.
இந்தியர்களுக்கு பிரான்ஸ் அளித்துள்ள இந்த சலுகையைப் போலவே, இன்னும் சில முக்கிய நாடுகளும் இதே போன்ற விதிமுறைகளைக் கொண்டுள்ளன. குறிப்பாக, ஐரோப்பிய நாடுகளுக்கு இடையே உள்ள செங்கன் (Schengen) ஒப்பந்த நாடுகளும், பிற முக்கிய போக்குவரத்து மையங்களும் இதில் அடங்கும்.
இந்திய பாஸ்போர்ட் வைத்திருப்பவர்களுக்கு விமான நிலைய போக்குவரத்து விசா (Airport Transit Visa - ATV) தேவையில்லாத நாடுகள் மற்றும் நிபந்தனைகள்:
சமீபத்திய மாற்றங்களின்படி, பிரான்ஸை போலவே மற்ற சில நாடுகளும் இந்தியர்களுக்கு இந்தச் சலுகையை வழங்குகின்றன.
ஜனவரி 2026 முதல், இந்தியர்கள் ஜெர்மனி விமான நிலையங்கள் வழியாகச் செல்லும்போது சர்வதேசப் பகுதியில் மட்டும் தங்கியிருந்தால் ஏடிவி விசா தேவையில்லை.
நெதர்லாந்து: ஆம்ஸ்டர்டாம் விமான நிலையம் வழியாகச் செல்லும் இந்தியர்களுக்கு பொதுவாக சர்வதேசப் பகுதியில் தங்குவதற்கு விசா தேவையில்லை.
ஸ்பெயின் & சுவிட்சர்லாந்து: இந்த நாடுகளிலும் சர்வதேசப் பகுதியில் தங்கிச் செல்லும் (Airside Transit) பயணிகளுக்கு விசா தேவையில்லை.
துபாய் (UAE) & கத்தார்: இந்தியர்கள் பெரும்பாலும் பயன்படுத்தும் இந்த மையங்களில், நீங்கள் விமான நிலையத்தை விட்டு வெளியே வராமல் இருந்தால் விசா தேவையில்லை.
சிங்கப்பூர் & தாய்லாந்து: இங்கும் குறிப்பிட்ட மணிநேரம் வரை சர்வதேசப் பகுதியில் தங்குவதற்கு விசா தேவையில்லை.
Click it and Unblock the Notifications
Sign in with Google