ஹரிஹர சர்மா எழுதிய தமிழ் - சமஸ்கிருத அகராதி.. அண்ணாமலைக்கு பிறந்தநாளன்று வழங்கிய எச்.ராஜா

சென்னை: தமிழ்நாடு பாரதிய ஜனதா கட்சி தலைவர் அண்ணாமலைக்கு பிறந்தநாள் வாழ்த்து தெரிவித்துள்ள பாஜக முன்னாள் தேசிய செயலாளர் எச்.ராஜா தமிழ் - சமஸ்கிருத அகராதியை வழங்கியுள்ளார்.

தமிழ்நாடு பாஜக தலைவர் அண்ணாமலை நேற்று தனது பிறந்தநாளை கொண்டாடினார். இதனை ஒட்டி அவருக்கு சமூக வலைதளங்களிலும் நேரிலும் பாஜக தலைவர்கள் தொண்டர்கள் பலரும் வாழ்த்துக்களை தெரிவித்தனர்.

அந்த வரிசையில் சட்டப்பேரவை எதிர்க்கட்சித் தலைவரும், அதிமுக இணை ஒருங்கிணைப்பாளருமான எடப்பாடி பழனிசாமி அண்ணாமலைக்கு பிறந்தநாள் வாழ்த்து தெரிவித்து இருக்கிறார். அதில், தமிழ்நாடு பாரதிய ஜனதா கட்சியின் மாநிலத் தலைவர், அன்பு சகோதரர் திரு.அண்ணாமலை அவர்களுக்கு எனது இனிய பிறந்தநாள் நல்வாழ்த்துக்கள். அவரது சமூக பணி சிறக்க வாழ்த்துகிறேன்." என குறிப்பிட்டு உள்ளார்.

அந்த வரிசையில் தமிழ்நாடு பாஜகவின் மூத்த தலைவரும் முன்னாள் தேசிய செயலாளருமான எச்.ராஜா அண்ணாமலையை நேரில் சந்தித்து பிறந்தநாள் வாழ்த்துக்களை தெரிவித்துக்கொண்டார். அப்போது எஸ்.ஹரிஹர சர்மா எழுதிய தமிழ் சமஸ்கிருத அகராதியை அண்ணாமலையிடம் அவர் வழங்கினார்.

இந்த புகைப்படத்தை ட்விட்டரில் பகிர்ந்துள்ள எச்.ராஜா, "தமிழக பாஜக தலைவர் சகோதரர் திரு.அண்ணாமலை Ex.IPS அவர்களின் பிறந்த நாளில் நீண்ட ஆயுளோடும் ஆரோக்யத்தோடும் தேசப்பணியோடு எதிரிகளையும் துவம்சம் செய்ய வாழ்த்துகிறேன்." என குறிப்பிட்டுள்ளார்.

English summary

H.Raja gives Tamil - Sanskrit dictionary to TN BJP president Annamalai on his birthday: தமிழ்நாடு பாரதிய ஜனதா கட்சி தலைவர் அண்ணாமலைக்கு பிறந்தநாள் வாழ்த்து தெரிவித்துள்ள பாஜக முன்னாள் தேசிய செயலாளர் எச்.ராஜா தமிழ் - சமஸ்கிருத அகராதியை வழங்கியுள்ளார்.