Happy Birthday bestest.. விஜய்யுடன் இருக்கும் போட்டோவை பகிர்ந்து பிறந்தநாள் வாழ்த்து சொன்ன நடிகை திரிஷா
சென்னை: விஜய்க்கு நடிகை திரிஷா பிறந்தநாள் வாழ்த்த்து தெரிவித்துள்ளார். விஜய்யுடன் அவர் இருக்கும் புகைப்படத்தையும் பகிர்ந்து தனது வாழ்த்து செய்தியை திரிஷா பதிவிட்டு இருக்கிறார். இந்த படத்தில் விஜய் நாய்க்குட்டியை கொஞ்சி விளையாடுகிறார். நெட்டிசன்கள் பலரும் இந்த பதிவுகளுக்கு கீழே விஜய்க்கு வாழ்த்துக்களை பகிர்ந்து வருகிறார்கள்.
தமிழ் திரையுலகின் உட்ச நட்சத்திரமாகவும் தமிழக வெற்றிக் கழகம் கட்சியின் தலைவருமான விஜய் இன்று தனது 51வது பிறந்த நாளை கொண்டாடுகிறார். விஜய் பிறந்த நாளை முன்னிட்டு அவருக்கு அரசியல் தலைவர்கள், ரசிகர்கள், சக நடிகர்கள் என பல்வேறு தரப்பினரும் வாழ்த்துக்களை தெரிவித்து வருகிறார்கள்.
விஜய்க்கு வாழ்த்து சொன்ன திரிஷா
இதனால் இன்று காலையில் இருந்தே சமூக வலைத்தளங்களில் விஜய்யின் பிறந்த நாள் வாழ்த்து குறித்த செய்தி பதிவுகள் வைரலாகி வருகின்றன. எக்ஸ் தளத்திலும் ஹேப்பி பர்த்டே விஜய் டிரெண்டிங்கில் உள்ளது. இந்த நிலையில்தான் விஜய்க்கு நடிகை திரிஷாவும் வாழ்த்த்து தெரிவித்துள்லார்.
Happy Birthday bestest என்று பதிவிட்டு திரிஷா விஜய்க்கு பிறந்தநாள் தெரிவித்துள்ளார். மேலும் விஜய்யுடன் அவர் இருக்கும் புகைப்படத்தையும் பகிர்ந்து தனது வாழ்த்து செய்தியை திரிஷா பதிவிட்டு இருக்கிறார். இந்த படத்தில் விஜய் நாய்க்குட்டியை கொஞ்சி விளையாடுகிறார். நெட்டிசன்கள் பலரும் இந்த பதிவுகளுக்கு கீழே விஜய்க்கு வாழ்த்துக்களை பகிர்ந்து வருகிறார்கள்.
நீண்ட கால நண்பர்கள்
பலரும் விஜய்யும் திரிஷாவும் நீண்ட காலமாக நண்பர்கள் என்ற அடிப்படையில் அவர்கள் ஆரம்பம் முதல் நடித்த படங்களின் புகைப்படங்களை பதிவிட்டு விஜய்க்கு வாழ்த்து தெரிவித்து வருகிறார்கள். திரிஷாவின் இந்த பதிவு சமூக வலைத்தளங்களில் வைரலாகி வருகிறது.
கில்லி படத்தின் மூலமாக விஜய்யும் திரிஷாவும் இணைந்து நடித்தனர். இந்த படம் மிகப்பெரிய ஹிட் அடித்தது. இதையடுத்து விஜய்யுடன் திருப்பாச்சி, ஆதி, குருவி படங்களில் திரிஷா நடித்து இருந்தார். பின்னர் நீண்ட இடைவெளிக்கு பிறகு விஜய்யுடன் லியோ படத்தில் நடித்தார். தொடர்ந்து விஜய்யின் கோட் படத்திலும் திரிஷா ஒரு பாடலுக்கு மட்டும் நடனம் ஆடியிருந்தார் என்பது குறிப்பிடத்தக்கது.
நடிகை நயன்தாரா வாழ்த்து
முன்னதாக நடிகை நயன்தாராவும் விஜய்க்கு பிறந்த நாள் வாழ்த்து தெரிவித்து இருந்தார். நயன்தாரா தனது எக்ஸ் பதிவில் வெளியிட்ட வாழ்த்து செய்தியில், "அன்புக்குரிய தளபதி விஜய்க்கு பிறந்த நாள் வாழ்த்துகள். வரும் ஆண்டு சிறப்பாக அமையட்டும். ஜனநாயகனுக்கு சிறந்த வாழ்த்துகள்" என்று பதிவிட்டு இருந்தார்.
சஞ்சீவ் வாழ்த்து
அதேபோல விஜய்யின் நண்பரும் நடிகருமான சஞ்சீவ், விஜய்க்கு பிறந்த நாள் வாழ்த்து தெரிவித்து இருந்தார். தனது பிள்ளைகளுடன் கேக் வெட்டி விஜய் பிறந்த நாள் கொண்டாடுவது போன்ற புகைப்படத்தை தனது எக்ஸ் தளத்தில் பகிர்ந்து இருந்த சஞ்சீவ், விஜய்க்கு வாழ்த்து கூறியிருந்தார். விஜய் பிறந்த நாளை முன்னிட்டு அவரை சந்தித்து வாழ்த்து கூற அவரது வீட்டின் முன்பு ரசிகர்கள் திரண்டனர்.
Click it and Unblock the Notifications
Sign in with Google