தமிழகத்தில் இந்த 7 மாவட்டங்கள்.. இன்று மிக மோசமான வெயில் அடிக்கும்.. வானிலை மையம் வார்னிங்!

தமிழகத்தில் இருக்கும் 7 முக்கியமான மாவட்டங்களில் இன்று மிக அதிகமாக வெயில் அடிக்கும் என்று சென்னை வானிலை ஆய்வு மையம் தெரிவித்துள்ளது.

Updated: Wednesday, May 27, 2020, 1:27 [IST]

Subscribe to Oneindia Tamil

சென்னை: தமிழகத்தில் இருக்கும் 7 முக்கியமான மாவட்டங்களில் இன்று மிக அதிகமாக வெயில் அடிக்கும் என்று சென்னை வானிலை ஆய்வு மையம் தெரிவித்துள்ளது.

தமிழ்நாடு நிலை

இந்த நிலையில் இன்னொரு பக்கம் தமிழகத்தில் கடந்த சில தினங்களாக தினமும் வெயில் கொளுத்தி வருகிறது. அதிலும் தமிழகத்தின் வட மாவட்டங்களில் தினமும் வெயில் அடித்து வருகிறது. இதனால் மக்கள் கடும் அவதிக்கு உள்ளாக்கி உள்ளனர். தினமும் 5க்கும் மேற்பட்ட மாவட்டங்களில் தமிழகத்தில் 100 டிகிரி பாரஹீட் வெப்பநிலையை விட அதிக வெப்பநிலை நிலவி வருகிறது.

அனல் காற்று

தமிழகத்தில் வெயிலோடு சேர்த்து கடுமையான அனல்காற்றும் வீசி வருகிறது. இன்னும் 2 நாட்களுக்கு இதேபோல் கடுமையான வெப்பநிலை தமிழகத்தில் நிலவும் என்று சென்னை வானிலை ஆய்வு மையம் கூறியுள்ளது. அதன்படி தமிழகத்தில் இருக்கும் 7 முக்கியமான மாவட்டங்களில் இன்று மிக அதிகமாக வெயில் அடிக்கும் என்று சென்னை வானிலை ஆய்வு மையம் தெரிவித்துள்ளது.

எங்கு எல்லாம்

இன்று தமிழகத்தில் வேலுார், கரூர், திருச்சி, மதுரை , தர்மபுரி, சேலம், திருப்பத்துார் ஆகிய 7 மாவட்டங்களில்தான் அதிக வெப்பநிலை இருக்கும். இங்கு இதுவரை பதிவான வெப்பநிலையை விட அதிக வெப்பநிலை பதிவாகும். 42 டிகிரி செல்ஷியசை எட்டும். இதில் திருத்தணியில் 42 டிகிரி செல்சியஸ் தொட அதிக வாய்ப்புள்ளது. திருத்தணி, வேலூர்தான் மோசமாக இதனால் பாதிக்கும்.

அனல் காற்று

இங்கு அனல் காற்று வீசும். இந்த காற்றின் வேகம் 40 கிமீ/நேரம் அளவிற்கு இருக்கும். இதனால் மக்கள் மிக கடுமையாக பாகிக்க வாய்ப்புள்ளது. ஆனால் இன்னொரு பக்கம் சென்னையில் கொஞ்சம் வெயில் குறையும் . சென்னையில் 38 டிகிரி செல்ஸியஸ் வெப்பநிலை நிலவி வந்தது. ஆனால் அது கொஞ்சம் குறைந்து சென்னையில் இன்று 37 டிகிரி செல்ஸியஸ் வெப்பநிலை நிலவும் என்று வானிலை ஆய்வு மைய அதிகாரிகள் கூறுகிறார்கள்.