மதுராந்தகம் ஜிஎஸ்டி சாலையில் முதல்வர் விஜய்யின் அதிவேக ரோடு ஷோ.. கள நிலவரம் என்ன
சென்னை : சென்னை : தமிழ்நாடு முதலமைச்சரும், தமிழக வெற்றிக்கழக தலைவருமான விஜய், மதுராந்தகம் சட்டமன்றத் தொகுதியில் இன்று மதியம் 2.30 மணி அளவில் மாமண்டூரில் தொடங்கி சாலை வழியாக தேர்தல் பிரச்சாரம் மேற்கொண்டார். மதுராந்தகம் தொகுதி முழுக்க ஜிஎஸ்டி சாலையில் விஜய்யின் ரோடு ஷோ நடைபெற்றுள்ளது. ஒவ்வொரு ஊரிலும் ஏராளமான மக்கள் திரண்டு இருந்தார்கள்.
ஊரக வளர்ச்சி மற்றும் நீர்வளத்துறை அமைச்சரும், தமிழக வெற்றிக்கழக பொதுச்செயலாளருமான புஸ்ஸி ஆனந்த் வெளியிட்டுள்ள அறிவிப்பில் கூறுகையில், "தமிழக வெற்றிக் கழகத் தலைவர், தமிழ்நாடு முதலமைச்சர் விஜய், மதுராந்தகம் சட்டமன்றத் தொகுதியில் இன்று மதியம் 2.30 மணி அளவில் மாமண்டூரில் தொடங்கி சாலை வழியாக தேர்தல் பரப்புரை மேற்கொண்டு, மதச்சார்பற்ற சமூகநீதி வெற்றிக் கூட்டணியின் தமிழக வெற்றிக் கழக வேட்பாளர் மரகதம் குமரவேல் அவர்களுக்காக பொதுமக்களிடையே வெற்றிச் சின்னமாம் விசில் சின்னத்திற்கு வாக்கு சேகரிக்கின்றார்.
அவரது ரோடு ஷோ பின்வரும் வழித்தடத்தில் திட்டமிடப்பட்டுள்ளது.
மாமண்டூர்
புக்கத்துறை சந்திப்பு
படாளம் சந்திப்பு
ஜானகிபுரம் சந்திப்பு
மேலவலம்பேட்டை சந்திப்பு,
கருங்குழி சந்திப்பு,
கருங்குழி பேரூராட்சி அலுவலகம்,
மதுராந்தகம் North By Pass Entrance,
மதுராந்தகம் South By Pass,
அய்யனார் கோவில் சந்திப்பு,
மோச்சேரி,
தண்டலம்,
பெரும்பாக்கம்,
கிளியாநகர்,
செம்பூண்டி,
கீழாமூர்,
பசுவங்கரணை,
ராமாபுரம்,
மோகல்வாடி,
எலப்பாக்கம்,
பொற்பணங்கரணை,
அணைக்குன்றம்,
கீழ்அத்திவாக்கம்,
மின்னல் சித்தாமூர்,
பெரும்பேர்கண்டிகை,
கடமலைப்புத்தூர்,
தென்பாக்கம் சந்திப்பு,
சோத்துப்பாக்கம்,
மேல்மருவத்தூர் ஆதிபராசக்தி கோவில் சந்திப்பு,
சரவம்பாக்கம்,
பெருவெளி,
முதுகரை,
வில்லவராயநல்லூர்,
மாம்பாக்கம்,
மதுராந்தகம்
காவல் துறை வழிகாட்டு நெறிமுறைகளின்படி இந்த நிகழ்ச்சியானது மாவட்ட நிர்வாகிகளால் ஏற்பாடு செய்யப்பட்டுள்ளது.
போக்குவரத்திற்கு இடையூறாக யாரும் வாகங்களை நிறுத்துவதோ அல்லது வந்து செல்வதோ, கண்டிப்பாகக் கூடாது.
தமிழ்நாடு முதலமைச்சர், தமிழக வெற்றிக் கழகத் தலைவர், வெற்றித் தலைவர் விஜய் அவர்களின் மதுராந்தகம் தொகுதி சாலைவலத்தின்போது, கர்ப்பிணிப் பெண்கள், சிறுவர் - சிறுமியர், பள்ளி மாணவ - மாணவியர், மூத்த குடிமக்கள், மாற்றுத் திறனாளிகள், உடல்நலம் குன்றியவர்கள் உள்ளிட்டவர்களுக்கு கண்டிப்பாக அனுமதியில்லை.
இந்த சாலைவலத்தில் கலந்துகொள்ள உள்ளவர்களுக்குத் தேவையான குடிநீர், மருத்துவ வசதி உள்ளிட்ட அடிப்படை வசதிகள் ஏற்பாடு செய்யப்பட்டுள்ளன. தமிழ்நாடு முதலமைச்சர் அவர்களின் சாலைவலத்தில் கலந்துகொள்ள வேண்டாம் எனக் கேட்டுக்கொள்ளப்பட்டுள்ளவர்கள் அனைவரும், இந்த நிகழ்ச்சியைத் தொலைக்காட்சி, சமூக வலைத்தள நேரலைகளில் கண்டு, சாலைவலம் வெற்றிகரமாக நடைபெற முழு ஒத்துழைப்பு தருமாறு அன்புடன் கேட்டுக்கொள்கிறோம்" இவ்வாறு புஸ்ஸி ஆனந்த் அறிவிப்பில் கூறியிருந்தார்.
அதன்படியே முதல்வர் விஜய் சரியான நேரத்திற்கு மாமண்டூர் வந்த நிலையில், தேசிய நெடுஞ்சாலையில் ரோடு ஷோ நடத்தினார். அதனை காண ஏராளமானோர் குவிந்தனர். விஜய் சென்ற சாலை தேசிய நெடுஞ்சாலை என்பதால் முழுமையாக போக்குவரத்து தடை செய்யப்படவில்லை.. அதேநேரம் விஜய் செல்லும் நேரம் மட்டும்,ஒவ்வொரு 2 கிமீ தூரத்திற்கு வாகனத்தை நிறுத்தி நிறுத்தி காவல்துறையினர் அனுமதித்தனர். எதிரே உள்ள சாலையிலும் வாகனங்கள் நிறுத்தி நிறுத்தி தான் அனுப்பி வைக்கப்பட்டன. இதில் விஜய்யை காண ஒவ்வொரு ஊரிலும் பல இளைஞர்கள் குவிந்தனர். அவர்களிடம் கையை அசைத்தபடி விஜய் ஓட்டு கேட்டார். சாலை முழுக்க போலீஸ் பாதுகாப்பு அதிகமாக போடப்பட்டிருந்தது.
Click it and Unblock the Notifications
Sign in with Google
