இன்பநிதி என்ட்ரி.. உதயநிதி பாணியில் சினிமா துறையில் அறிமுகம்.. நடிகர் தனுஷ் வெளியிட்ட போஸ்டர்
சென்னை: முதல்வர் ஸ்டாலினின் பேரனும், துணை முதல்வர் உதயநிதி ஸ்டாலினின் மகனுமான இன்பநிதி ஸ்டாலின் தமிழ் சினிமாவில் தயாரிப்பாளராக ‛என்ட்ரி' கொடுக்கிறார். நடிகர் தனுஷ் நடித்துள்ள ‛இட்லி கடை' படத்துக்கான தியேட்டர் ரிலீசை ‛ரெட் ஜெயன்ட்' நிறுவனம் வாங்கி உள்ளதோடு, அதனை இன்பநிதி பெயரில் வெளியிடுகிறது. இதற்கான அறிவிப்பை நடிகர் தனுஷ் வெளியிட்டுள்ளார்.
நடிகர் தனுஷ் ஹீரோவாக நடித்துள்ள திரைப்படம் 'இட்லி கடை'.இந்த படத்தில் நித்யா மேனன், அருண் விஜய், பார்த்திபன், ஷாலினி பாண்டே, சமுத்திரகனி, ராஜ்கிரண், இளவரசு உள்பட பலர் நடித்துள்ளனர். இசையமைப்பாளர் ஜி.வி.பிரகாஷ் இசையமைத்துள்ளார்.
இந்த திரைப்படம் அக்டோபர் 1ம் தேதி தியேட்டர்களில் ரிலீசாக உள்ளது. இந்த திரைப்படத்தை ‛டான் பிக்சர்ஸ்' தயாரிப்பு நிறுவனம் சார்பில் ஆதித்யா பாஸ்கரன் தயாரித்துள்ளார்.
இதற்கிடையே, 'இட்லி கடை' படத்தின் தியேட்டர் ரிலீசை ‛ரெட் ஜெயன்ட்' நிறுவனம் வாங்கி உள்ளது. உதயநிதி ஸ்டாலின் மகன் இன்பநிதி பெயரில் இந்த திரைப்படம் ரிலீஸ் செய்யப்பட உள்ளது. இதற்கான போஸ்டர் அறிவிப்பு வெளியாகி உள்ளது.
இதுதொடர்பாக நடிகர் தனுஷ் தனது எக்ஸ் வலைதள பக்கத்தில், ‛இட்லிகடை' திரைப்படத்தை தமிழ்நாடு முழுவதும் ரெட் ஜெயன்ட்' நிறுவனம் வெளியீடு செய்கிறது. புதிய பயணத்தில் அடியெடுத்து வைத்துள்ள இன்ப உதயநிதிக்கு வாழ்த்துகள்' என தெரிவித்துள்ளார். மேலும் அவர் போஸ்டரையும் தனது எக்ஸ் வலைதள பக்கத்தில் வெளியிட்டுள்ளார்.
முன்னதாக உதயநிதி ஸ்டாலின் சினிமா துறையின் மூலமாக தான் அரசியலுக்குள் நடித்தார். ‛ரெட் ஜெயன்ட்’ நிறுவனம் மூலமாக திரைப்பட தயாரித்த அவர் நடிகராகவும் வலம் வந்தார். ஒரு கல் ஒரு கண்ணாடி திரைப்படத்தின் மூலமாக ஹீரோவானார். அதன்பிறகு பல திரைப்படங்களில் நடித்தார்.
பிறகு கடந்த 2021 சட்டசபை தேர்தலில் திமுக சார்பில் சென்னை சேப்பாக்கம் - திருவல்லிக்கேணி தொகுதியில் போட்டியிட்டு எம்எல்ஏவானார். அதன்பிறகு இளைஞர் நலன் மற்றும் விளையாட்டு துறை அமைச்சர் பதவியேற்றார். இப்போது துணை முதல்வராகி உள்ளார்.
அந்த வகையில் தற்போது உதயநிதி ஸ்டாலின் மகன் இன்பநிதியும் ‛ரெட் ஜெயன்ட்’ நிறுவனம் மூலமாக சினிமா துறைக்குள் என்ட்ரி கொடுத்துள்ளார் என்பது இங்கு கவனிக்கத்தக்கது.
Click it and Unblock the Notifications
Sign in with Google