விருத்தாசலம் தொகுதியில் பிரேமலதா விஜயகாந்த் 3வது இடம்.. பாமகவுக்கு வெற்றி.. தந்தி டிவி சர்வே
சென்னை: விருத்தாசலம் தொகுதியில் போட்டியிடும் பிரேமலதா விஜயகாந்த் தோல்வியை சந்திக்க வாய்ப்பு இருப்பதாக தந்தி டிவி கருத்துக்கணிப்பு தெரிவிக்கிறது.
விருத்தாச்சலம் தொகுதியில் அம்மா மக்கள் முன்னேற்ற கழகம் மற்றும் தேமுதிக கூட்டணி சார்பாக தேமுதிக களமிறங்கியுள்ளது.
விஜயகாந்த் முதலில் வெற்றி பெற்ற தொகுதி என்பதால், செண்டிமெண்டாக தேமுதிக பொருளாளர் பிரேமலதா விஜயகாந்த் நேரடியாக அங்கு களமிறங்கியுள்ளார்.
தேமுதிக நிர்வாகிகள்
ஒட்டுமொத்த தேமுதிக நிர்வாகிகளும், விருத்தாசலம் தொகுதியில் முகாமிட்டு உள்ளனர். பிரேமலதா விஜயகாந்தும் வேறு எந்த தொகுதியிலும் பிரச்சாரம் செய்யாமல் அந்த தொகுதியில் தீவிர பிரசாரத்தில் ஈடுபட்டு வருகிறார். இந்த நிலையில்தான் தந்தி டிவி வெளியிட்டுள்ள கருத்துக்கணிப்பு முக்கியத்துவமாகிறது.
முதலிடம் பாமகவுக்கு
விருத்தாச்சலம் தொகுதியில் அதிமுக கூட்டணி சார்பில் பாமக போட்டியிடுகிறது. அந்த கட்சி 39 சதவீதம் முதல் 45 சதவீதம் வரை வாக்குகள் பெற்று வெற்றி பெற வாய்ப்பு இருப்பதாக தந்தி டிவி தெரிவிக்கிறது. இரண்டாவது இடத்தை திமுக கூட்டணியில் உள்ள காங்கிரஸ் பெறும் என்று கூறுகிறது இந்த கருத்துகணிப்பு. 37 சதவீதம் முதல் 43 சதவீதம் வரை வாக்குகளை பெற கூடும்.
தேமுதிக மூன்றாவது இடம்
மூன்றாவது இடத்தில் தேமுதிக இருக்கிறது. 8 சதவீதம் முதல் 14 சதவீதம் வரை தான் அந்த கட்சி வாக்குகளைப் பெற முடியும் என்று சொல்கிறது தந்தி டிவி கருத்துக்கணிப்பு. அதற்கு அடுத்த இடத்தில் நாம் தமிழர் கட்சி 4 சதவீதம் முதல் 7 சதவீதம் வரை வாக்குகளைப் பெற்று நான்காவது இடம் பிடிக்கிறது.
பிரேமலதா விஜயகாந்த்
பெரிதும் எதிர்பார்க்கப்பட்ட தொகுதியில் பிரேமலதா விஜயகாந்த் பின்தங்கி இருக்கிறார் என்பது தந்தி டிவி கருத்துக்கணிப்பு சாராம்சம். இந்த தகவல் பாமக மகிழ்ச்சி அடையக் கூடிய செய்தியாக இருக்கிறது.
Click it and Unblock the Notifications
Sign in with Google