பயணிகளுக்கு கட்டண சலுகை.. ரயில்வே கொடுத்த ஆஃபர்.. ரயில் ஒன் செயலி இருக்கா? உங்களுக்கு தான்!
சென்னை: பயணிகள் ரயில் ஒன் செயலியில் டிக்கெட் முன்பதிவு செய்வதை ஊக்குவிக்கும் விதமாக எந்த வகையான டிஜிட்டல் பேமெண்ட் தளத்தில் இருந்து கட்டணம் செலுத்தினாலும் இனி முன்பதிவு இல்லாத டிக்கெட்டுகளுக்கு 3 சதவீத தள்ளுபடி தரப்படும் என்று ரயில்வே அறிவித்துள்ளது.
ரயில் ஒன் செயலி வழியாக முன்பதிவு டிக்கெட் புக்கிங் செய்யும் போது, ரயில்வே வேலட்டில் இருந்து பேமெண்ட் செலுத்தினால் 3 சதவீத தள்ளுபடி அளிக்கப்படுகிறது. ஆனால், பிற டிஜிட்டல் தளம் வாயிலாக பேமெண்ட் செய்தால் தள்ளுபடி கிடையாது என்று இருந்தது.
ஆன்லைன் டிக்கெட் புக்கிங்
ரயில்களில் தற்போது டிஜிட்டல் முறையில் டிக்கெட் எடுப்பது அதிகரித்து வருகிறது. கவுண்ட்டர்களில் கால் கடுக்க நின்று டிக்கெட் எடுப்பது தற்போது கணிசமாக குறைந்துவிட்டது. பெரும்பாலான பயணிகள் செல்போன் செயலி வாயிலாகவே தங்கள் டிக்கெட்டுகளை எடுக்கிறார்கள்.
அலைச்சல் மிச்சம், லைனில் காத்து கிடக்க வேண்டியது இல்லை, வீட்டில் இருந்தபடியே டிக்கெட் புக் செய்துவிடலாம் என்பதால் தற்போது ரயில்வேயின் செயலிகள் வாயிலாகவே பெரும்பாலான பயணிகள் டிக்கெட் முன்பதிவு செய்வதை விரும்புகிறார்கள். தட்கல் டிக்கெட் சுமார் 89 சதவீதம் பேர் ஆன்லைன் வழியாகவே புக்கிங் செய்கிறார்கள்.
ரயில் ஒன் செயலி
அந்த அளவுக்கு தற்போது ரயில் டிக்கெட்டுகளில் டிஜிட்டல் பரிவர்த்தனை அதிகரித்துள்ளது. முன்பதிவு இல்லாத டிக்கெட்டுகளை யுடிஎஸ் செயலி வழியாக எடுக்க முடியும். இந்த செயலி வழியாக தொலை தூர ரயில்களுக்கு மட்டும் இன்றி லோக்கல் மின்சார ரயில்களுக்கும் டிக்கெட் எடுக்கும் வசதி உள்ளது.
ரயில்வேயை பொறுத்தவரை கடந்த சில மாதங்களுக்கு முன்பாக ரயில் ஒன் என்ற சூப்பர் செயலியை அறிமுகம் செய்தது. ஐஆர்சிடிசி, யுடிஎஸ், ரயில்வே புகார்களுக்கான செயலி என ஒவ்வொன்றுக்கும் ஒவ்வொரு செயலி இருப்பதற்கு மாற்றாக ஒரே செயலியாக ரயில் ஒன் என்ற செயலி அறிமுகம் செய்யப்பட்டது. இந்த செயலி வழியாக எக்ஸ்பிரஸ் ரயில்கள், புறநகர் மின்சார ரயில்களுக்கான டிக்கெட்டுகளையும் பயணிகள் எடுக்க முடிகிறது.
3 சதவீத தள்ளுபடி
தற்போது இந்த செயலி வழியாக முன்பதிவு டிக்கெட் புக்கிங் செய்யும் போது, ரயில்வே வேலட்டில் இருந்து பேமெண்ட் செலுத்தினால் 3 சதவீத தள்ளுபடி அளிக்கப்படுகிறது. ஆனால், பிற டிஜிட்டல் தளம் வாயிலாக பேமெண்ட் செய்தால் தள்ளுபடி கிடையாது.
இந்த நிலையில், பயணிகள் ரயில் ஒன் செயலியில் டிக்கெட் முன்பதிவு செய்வதை ஊக்குவிக்கும் விதமாக எந்த வகையான டிஜிட்டல் பேமெண்ட் தளத்தில் இருந்து கட்டணம் செலுத்தினாலும் இனி முன்பதிவு இல்லாத டிக்கெட்டுகளுக்கு 3 சதவீத தள்ளுபடி தரப்படும் என்று ரயில்வே அறிவித்துள்ளது.
ரயில்வே அமைச்சகம் கடிதம்
பொங்கல் பண்டிகைக்கு முந்தைய நாளான 14.01.2025 முதல் 14.07.2026 வரை இந்த கட்டண சலுகை அளிக்கப்படுகிறது. ஏற்கனவே ரயில் ஒன் செயலியில் வாலட்டில் இருந்து டிக்கெட் கட்டணம் செலுத்தினால் அளிக்கப்படும் 3 சதவீத தள்ளுபடியும் தொடர்ந்து அமலில் இருக்கும் எனவும் ரயில்வே தெரிவித்துள்ளது. ரயில் ஒன் செயலியை தவிர வேறு எந்த தளத்தில் டிக்கெட் செய்தாலும் இந்த ஆஃபர் கிடையாது என்றும் ரயில்வே நிர்வாகம் தெரிவித்துள்ளது.
டிஜிட்டல் முன்பதிவுகளைப் பரவலாக்கும் நோக்கில் இம்முடிவு எடுக்கப்பட்டுள்ளதாகவும், இது தொடர்பாக, மென்பொருள் அமைப்பில் தேவையான மாற்றங்களை செய்ய வேண்டும் என்று ரயில்வே டிக்கெட் முன்பதிவுக்கான மென்பொருள் பணிகளை மேற்கொள்ளும் CRIS-க்கு ரயில்வே அமைச்சகம் இன்று கடிதம் அனுப்பியுள்ளது.
Click it and Unblock the Notifications
Sign in with Google