IRCTC down: திடீரென முடங்கிய ஐஆர்சிடிசி இணையதளம்.. தட்கல் டிக்கெட் போட முடியாமல் கதறும் பொதுமக்கள்!

Updated: Tuesday, December 23, 2025, 11:59 [IST]

Subscribe to Oneindia Tamil

சென்னை: கிறிஸ்துமஸ், புத்தாண்டு விடுமுறைக்குச் சொந்த ஊர் செல்லப் பொதுமக்கள் பலரும் இன்று தட்கல் டிக்கெட் முன்பதிவு செய்ய முயன்றனர். இருப்பினும், திடீரென ஐஆர்சிடிசி இணையதளம் திடீரென முடங்கியதால் பொதுமக்கள் அதிர்ச்சி அடைந்தனர். டிக்கெட் புக் செய்ய முயன்றால் error என வருவதாக குற்றஞ்சாட்டியுள்ளனர்.

இந்த வாரம் கிறிஸ்துமஸ், புத்தாண்டு என லாங் வீக் எண்டாக இருக்கிறது. மேலும், பெரும்பாலான ஐடி துறை ஊழியர்களும் இந்தக் காலகட்டம் விடுமுறையாகவே இருக்கிறது. இதனால் பொதுமக்கள் பலரும் இந்த லாங் வீக் எண்டை கொண்டாடச் சொந்த ஊர் செல்கிறார்கள்.

நாளை மறுநாள் டிசம்பர் 25ம் தேதி கிறிஸ்துமஸ் கொண்டாடப்படும் நிலையில், நாளை ரயில்களில் தட்கல் டிக்கெட் புக் செய்யப் பொதுமக்கள் தயாராக இருந்தனர். இருப்பினும், ஐஆர்சிடிசி இணையதளம் திடீரென முடங்கியதால் பொதுமக்கள் அதிர்ச்சி அடைந்தனர்

தட்கல் டிக்கெட் ஓபன் ஆனபோது டிக்கெட்களை புக் செய்ய முடியவில்லை எனப் புகார் அளித்துள்ளனர். சொந்த ஊர் செல்ல தட்கல் டிக்கெட் புக் செய்ய முடியாமல் அவதி அடைந்துள்ளனர். தட்கல் டிக்கெட் புக் செய்ய முயலும்போது error என்று மட்டுமே காட்டுவதாகப் புகார் தெரிவித்தனர்.

சுமார் 10 நிமிடங்களுக்கு இதுபோல ஐஆர்சிடிசி தளம் முடங்கியதாம். அதன் பிறகே செயல்பட ஆரம்பித்துள்ளது. இருப்பினும், அதற்குள் அனைத்து டிக்கெட்களும் புக் ஆகிவிட்டதாகவும் இடைத்தரகர்களே டிக்கெட்களை அதிகம் புக் செய்வதாகவும் பொதுமக்கள் இணையத்தில் குற்றஞ்சாட்டியுள்ளனர்.