அடடே.. திமுக கூட்டணிக்கு வந்த "பெரிய பலம்.." இணைந்தது எர்ணாவூர் நாராயணனின் சமத்துவ மக்கள் கழகம்

சென்னை: 2024 நாடா­ளு­மன்ற தேர்­த­லில் தி.மு.க. கூட்­ட­ணிக்கு நடிகர் சரத்குமாரின் சமக ஆதரவளித்து உள்ளதாக செய்திகள் வெளியான நிலையில் அது குறித்து உண்மை தகவலை பார்ப்போம்.

இன்று காலை முதல் திமுக கூட்டணிக்கு சமக ஆதரவு என்று தகவல் பரவி வந்தது. நடிகர் சரத்குமாரின் சமத்துவ மக்கள் கட்சி சமக என்று அழைக்கப்பட்டு வருகிறது. அந்த கட்சி கடந்த தேர்தல்களில் பாஜக ஆதரவு கூட்டணியிலேயே இருந்தது. சரத்குமார் மீண்டும் சினிமாவில் பிஸியாகிவிட்ட நிலையில், அவரது கட்சி தொடர்பான தகவல்கள் குறைவாகவே வருகின்றன. இந்த நிலையில் சமத்துவ மக்கள் கட்சியில் இருந்து பிரிந்து சென்ற எர்ணாவூர் நாராயணனின் சமத்­துவ மக்­கள் கழ­கம் திமுகவை ஆதரித்து இருப்பது குறிப்பிடத்தக்கது. இது தொடர்பாக முரசொலியிலும் செய்தி வெளியாகி இருக்கிறது.

சமத்­துவ மக்­கள் கழ­கத்­தின் சென்னை, திரு­வள்­ளூர், செங்­கல்­பட்டு, காஞ்சி­பு­ரம் உள்­ள­டக்­கிய மாவட்ட நிர்­வா­கி­கள் ஆலோ­ச­னைக் கூட்­டம் சென்னை தண்­டை­யார்­பேட்டையில் நிறு­வ­னத் தலை­வர் எர்­ணா­வூர் நாரா­ய­ணன் தலை­மை­யில் நடை­பெற்­றது. இந்த கூட்டத்தில் முன்னாள் முதலமைச்சர் காம­ரா­ஜர் அவர்­க­ளின் திரு­வு­ரு­வப் படத்தை பொதுச் செயலாளர் சூலூர் சந்­தி­ர­சே­கர் திறந்து வைத்து தீர்­மா­னம் வாசித்­தார். தலைமை நிலைய செய­லர் தங்­க­முத்து வர­வேற்­பு­ரை­யை தொடர்ந்து, சமத்­துவ மக்கள் கழ­கத் தலை­வர் எர்­ணா­வூர் நாரா­ண­யன் பேசினார்.

அப்போது, நீட் தேர்­வுக்கு எதி­ராக தி.மு.க. கையொப்­பம் இயக்­கத்­திற்கு தனது ஆத­ரவு பங்­க­ளிப்­பை­யும் கூறி­யும், 10 தீர்­மா­னம் கிடப்­பில் போடப்பட்டதற்காக ஆளுநருக்கு எதி­ராக சிறப்பு தீர்­மா­னம் நிறை­வேற்றி மீண்­டும் அனுப்­பி­யதை வர­வேற்­ப­தா­க­வும் தெரி­வித்­தார். மத்­திய பாஜக அரசு தமி­ழ்நாடு அர­சை­யும், தமி­ழ்நாடு மக்­க­ளை­யும் வஞ்­சிக்­கி­றது. நல்ல பல திட்­டங்­க­ளுக்கு முட்­டுக்­கட்­டை­யா­க­வும், தமி­ழக அர­சுக்கு மத்திய அரசு வழங்க வேண்­டிய ஜி.எஸ்.டி. வரி தொகையை வழங்­கா­மலும் காலம் தாழ்த்தி வரு­வ­தாக குற்­றம் சாட்­டி­னார்.

மேலும் வரு­கிற நாடா­ளு­மன்ற தேர்­த­லில் தி.மு.க. தலை­மை­யி­லான கூட்டணி கட்சிகளுக்கு சமத்­துவ மக்­கள் கழ­கம் தமது ஆத­ரவை தெரிவித்து 40 க்கு 40 என்ற இலக்­கு­டன் வெற்­றிக்கு கழக நிர்­வா­கி­கள் உறுது­ணை­யாக இருக்­கும் என­வும் அறி­வித்­தார். இந்த நிகழ்ச்­சி­யில் இளை­ஞ­ரணி செய­லா­ளர் கார்த்­திக், கொள்கை பரப்­புச் செய­லா­ளர் முனிஸ்­வ­ரன், தக­வல் தொழில் நுட்ப அணி செய­லா­ளர் விஸ்­வ­நா­தன், துணைச் செய­லா­ளர்­கள் விநா­ய­க­மூர்த்தி, காம­ராசு நாடார், பால­சே­கர், மாவட்­டச் செய­லா­ளர்­கள் வட­சென்னை மாவட்­டம் பாஸ்­கர், வில்­லி­யம்ஸ், சீனி­வா­சன் , மத்­திய சென்னை மாவட்­டம் அருண்­கு­மார், ராஜ­லிங்­கம், திரு­வள்­ளூர் மாவட்­டம் மதுரை வீரன், விஜ­யன், சுபாஷ், காஞ்­சி­பு­ரம் மாவட்­டம் ஸ்ரீராம், கோவை கணே­சன், காஞ்­சி­பு­ரம் ரமேஷ், கதிர்­வேல், செங்­கல்­பட்டு பால்­ராஜ் உள்ளிட்டோர் கலந்துகொண்டனர்.

English summary

In 2024 parliamentary elections Actor Sarathkumar's SMK support for the DMK alliance has been reported, let's see the truth about it.