வெள்ளை வேட்டியில் கருப்பு ஆடு! ஓபிஎஸ் கேம்பில் ஆள் போட்ட எடப்பாடி.. எல்லாம் சதி! வாட்ச் செய்த திமுக

Updated: Wednesday, July 6, 2022, 10:40 [IST]

Subscribe to Oneindia Tamil

சென்னை: அதிமுகவில் ஓ பன்னீர்செல்வம் எடுத்து வைக்கும் ஒவ்வொரு மூவையும் எடப்பாடி பழனிசாமி தீவிரமாக கண்காணித்து வருகிறாராம்.

எடப்பாடி கண்காணிப்பு

அதிமுகவில் பெரிய களேபரங்கள் நடந்து வரும் நிலையில்.. ஓ பன்னீர்செல்வத்தின் ஒவ்வொரு மூவையும் எடப்பாடி பழனிசாமி தீவிரமாக கண்காணித்து வருகிறாராம். ஓ பன்னீர்செல்வம் சட்ட ரீதியாக என்ன செய்வார். யாரை சந்திப்பார். யாரிடம் பேசுகிறார் என்று ஒவ்வொரு விஷயங்களையும் எடப்பாடி பழனிசாமி தீவிரமாக கணித்து வருகிறாராம். தன்னுடைய கேம்பில் யாரிடம் பேசி வருகிறார், யாருடன் எல்லாம் நெருக்கமாக இருக்கிறார் என்பதை எல்லாம் எடப்பாடி பழனிசாமி தீவிரமாக கண்காணித்து வருகிறாராம்.

ஓ பன்னீர்செல்வம்

இது தொடர்பாக எடப்பாடி தரப்பு வட்டாரங்கள் தெரிவிக்கையில்.. ஓ பன்னீர்செல்வமின் ஒவ்வொரு மூவும் அண்ணன் எடப்பாடியாருக்கு தெரியும். அவர் எங்கே செல்கிறார். என்ன செய்வார் என்று தெரியும். அதை வைத்துதான் ஓ பன்னீர்செல்வமின் தென்னக பயணத்தை எடப்பாடி தடுத்து நிறுத்தினார். உள்ளே வெள்ளை வேஷ்டியில் ஒரு கருப்பு ஆடு இருக்கிறது. அவரின் அடுத்த மூவ் என்ன என்பது எங்களுக்கு முன்பே தெரியும், என்கிறார்கள் எடப்பாடி ஆதரவு ரரக்கள்.

புலம்பல்

அதிமுகவில் தனக்கு எதிராக இப்படி பலரும் திரும்புவார்கள் என்பதை ஓ பன்னீர்செல்வம் எதிர்பார்க்கவில்லை என்றே கூறப்படுகிறது. அதிலும் தென் மாவட்டங்களிலும், தேனி மாவட்டத்திலும் கூட தனக்கான ஆதரவு சரிந்து போனதை அவர் எதிர்பார்க்கவில்லை என்று கூறப்படுகிறது. இவருக்கு நெருக்கமாக இருந்தவர்களே ஓ பன்னீர்செல்வம் போன் செய்யும் போது.. அதை கூட எடுக்கவில்லை என்று கூறப்படுகிறது.

கட்சி விதி

ஓ பன்னீர்செல்வம் இதனால் தனக்கு நெருக்கமான சிலரிடம் புலம்பி இருக்கிறாராம். கட்சி விதி மட்டும்தான் எனக்கு ஆதரவாக உள்ளது. தொண்டர்கள் சப்போர்ட் இருக்கிறது. ஆனால் பொதுக்குழு நிர்வாகிகள் ஆதரவு இல்லை. அதுதான் எனக்கு முக்கியம். நெருக்கமாக இருந்தவர்களே சதி செய்துவிட்டார்கள். எங்கே போவது என்று தெரியவில்லை. வழக்கில் என்ன நடக்கிறது என்று பார்க்கலாம் என்று ஓ பன்னீர்செல்வம் புலம்பி இருக்கிறாராம்.

எடப்பாடிக்கு தெரியும்

சமீபத்தில் ஓ பன்னீர்செல்வம் தரப்பு ஆளும் திமுக தரப்பிடம் உதவி கேட்டதாக கூறப்பட்டது. அதிமுக பொதுக்குழுவிற்கு பாதுகாப்பு காரணங்களை காரணம் காட்டி தடை போட வேண்டும் என்று ஓ பன்னீர்செல்வம் தரப்பு கோரிக்கை வைத்ததாக கூறப்பட்டது. அந்த விஷயமும் எடப்பாடி தரப்பிற்கு முன்பே தெரியும்.. திமுகவுடன் ஓபிஎஸ் நெருக்கமாக இருப்பதும் எடப்பாடி தரப்பிற்கு முன்பே தெரியும்.. அதனால்தான் திமுக - ஓபிஎஸ் கூட்டு என்று மாஜி அமைச்சர்களை வைத்து பேச வைத்தார் என்கிறார்கள் எடப்பாடி ஆதரவாளர்கள்.

திமுக வாட்ச் மோட்

ஆனால் இதுவரை அதிமுக விவகாரத்தில் நேரடியாகவோ, மறைமுகமாகவோ திமுக தலையிடவில்லை. அதாவது பொதுக்குழுவிற்கு ஆதரவு தரவோ, பொதுக்குழுவை தடுத்து நிறுத்தவோ திமுக ஆளும் கட்சியாக முயலவில்லை. நடப்பது நடக்கட்டும்.. நாம் இதில் தலையிட வேண்டாம் என்று வாட்சிங் மோடில் திமுக இருப்பதாக கூறப்படுகிறது. ஆளும் தரப்பில் இருந்தும்.. அதிமுக நிர்வாகிகள் தரப்பில் இருந்தும் தனக்கு ஆதரவு கிடைக்காத நிலையில்.. முழுக்க முழுக்க கோர்ட் உத்தரவை மட்டுமே நம்பி இருக்கிறாராம் ஓ பன்னீர்செல்வம்!