பெரம்பூரில் விஜய் வெல்வாரா? ‘ஒன் இந்தியா' நேரடி கள ரிப்போர்ட்.. மக்கள் யார் பக்கம்? வீடியோ

சென்னை: வரும் சட்டசபை தேர்தலில் தவெக தலைவர் விஜய் பெரம்பூர் சட்டசபை தொகுதியில் போட்டியிட வாய்ப்புள்ளதாக தகவல்கள் வெளியாகி உள்ளன. இந்நிலையில் தான் அங்கு கள நிலவரம் எப்படி உள்ளது? விஜய்க்கு ஓட்டளித்து வெற்றி பெற வைப்பார்களா? என்பதை அறிய 'ஒன்இந்தியா' தமிழ் களத்தில் இறங்கியபோது மக்கள் சொன்ன கருத்துகளை இங்கு பார்க்கலாம்.

நடிகர் விஜயின் தமிழக வெற்றிக் கழகம் வரும் சட்டசபை தேர்தலில் போட்டியிட உள்ளது. இந்த தேர்தலில் விஜய் பெரம்பூர் தொகுதியில் போட்டியிட வாய்ப்புள்ளதாக கூறப்படுகிறது. தவெக சார்பில் சர்வேக்கள் எடுக்கப்பட்டது. அதில் பெரம்பூரில் தவெகவிற்கு சாதகமான சூழல் இருப்பதாகவும், இதனால் விஜய் தனது முதல் சட்டசபை தேர்தலில் அந்த தொகுதியில் களமிறங்க தயாராகி வருவதாகவும் சொல்லப்படுகிறது.

இந்த பெரம்பூர் தொகுதியை எடுத்து கொண்டால் அது வடசென்னை ஏரியாவில் உள்ளது. மொத்தம் 17 சட்டசபை தேர்தல்கள் நடந்துள்ளன. இதில் 9 முறை திமுக வெற்றி பெற்றுள்ளது. 3 முறை மார்க்சிஸ்ட் கம்யூனிஸ்ட், 2 முறை அதிமுக, இதுதவிர சோசியலிஸ்ட் கட்சி, காங்கிரஸ் தலா ஒரு முறையும், சுயேச்சை வேட்பாளர் ஒருமுறையும் வெற்றி பெற்றுள்ளார். 2019 இடைத்தேர்தலில் வென்ற திமுகவின் ஆர்டி சேகர் மீண்டும் 2021 தேர்தலில் வெற்றி பெற்றார். இவர் தான் தற்போது சிட்டிங் எம்எல்ஏவாக இருக்கிறார்.

இப்படி திமுகவின் கோட்டையாக இருக்கும் இந்த பெரம்பூர் சட்டசபை தொகுதியில் விஜய் போட்டியிட்டால் வெல்வாரா? என்பது பற்றி அறிய 'ஒன்இந்தியா' தமிழ் நேரடியாக களத்துக்கு சென்று மக்களின் ஆதரவு யார் பக்கம் உள்ளது? என்பது பற்றி கருத்து கேட்டது. மக்கள் கூறிய கருத்துகளை கீழே உள்ள வீடியோவை பார்த்து அறிந்து கொள்ளுங்கள்.

English summary

Perambur Assembly Constituency: Reports have emerged suggesting that TVK leader Vijay is likely to contest the upcoming Assembly elections from the Perambur constituency. Against this backdrop-and to assess the ground reality there-OneIndia Tamil ventured into the field to determine the prevailing sentiment and whether the electorate would vote for Vijay to ensure his victory; the opinions expressed by the people are presented here.