'தமிழகத்தில் சூரியன் என்றும் மறைவதில்லை மைலார்ட்'.. நீதிபதியின் கேள்விக்கு டைமிங்கில் ஏஏஜி பதில்

சென்னை: தேசிய தகவல் மையத்தின் இணையதளம் தொடர்பான ஒரு வழக்கின் போது இந்த சுவாரஸ்யமான விவாதம் நடைபெற்றது. குறிப்பாக, மாலை 6 மணிக்கு மேல் அந்த இணையதளம் சரியாக வேலை செய்வதில்லை என்ற குற்றச்சாட்டு முன்வைக்கப்பட்டது.அப்போது நீதிபதி எழுப்பிய கேள்வியும் அதற்கு கூடுதல் அரசு தலைமை வழக்கறிஞர் ஜெ. ரவீந்திரன் அளித்த பதிலும் சமூக வலைதளங்களில் விவாதத்தை ஏற்படுத்தி உள்ளது. சுவாரஸ்யமான அந்த சம்பவம் பற்றி பார்ப்போம்.

நீதிமன்றங்களில் அவ்வப்போது விவாதங்களின் போது சுவாரஸ்யமான உரையாடல்கள் நடைபெறுவது உண்டு. கடுமையான பணிகளுக்கு மத்தியில் விவாதம் சிலே நேரங்களில் ஆச்சரியமானதாக மாறுவது உண்டு. வழக்கறிஞரின் கேள்வி அல்லது பதிலை வைத்தே டைமிங்கில் கேள்வி அல்லது பதிலை தந்து நீதிபதிகள் சுவாரஸ்யமாக மாற்றுவார்கள். இல்லை என்றால் நீதிபதிகளின் கேள்விக்கு வழக்கறிஞர்களும் டைமிங்கில் பதில் தந்து சுவாரஸ்யமாக மாற்றுவார்கள்.

அப்படித்தான் தேசிய தகவல் மையத்தின் இணையதளம் தொடர்பான ஒரு வழக்கின் போது இந்த சுவாரஸ்யமான விவாதம் நடைபெற்றது. குறிப்பாக, மாலை 6 மணிக்கு மேல் அந்த இணையதளம் சரியாக வேலை செய்வதில்லை என்ற குற்றச்சாட்டு முன்வைக்கப்பட்டது.அப்போது நீதிபதி எழுப்பிய கேள்வியும் அதற்கு கூடுதல் அரசு தலைமை வழக்கறிஞர் ஜெ. ரவீந்திரன் அளித்த பதில்களை பார்ப்போம்

நீதிமன்றத்தில் நடந்த 'பஞ்ச்' உரையாடல்:

நீதிபதி: இணையதளம் 6 மணிக்கு மேல் வேலை செய்வதில்லை என்று சொல்லப்படுகிறதே? சூரியன் மறைந்த பிறகு இங்கு எதுவுமே வேலை செய்யாதா என்ன? என்று கிண்டலாகக் கேட்டார்.

அப்போது கூடுதல் அரசு தலைமை வழக்கறிஞர் ஜெ. ரவீந்திரன் , நீதிபதியின் கேள்விக்கு மிகவும் சாதுர்யமாகவும், தற்கால அரசியல் மற்றும் தமிழகத்தின் பெருமையைப் பேசும் விதமாகவும் பதிலளித்தார்:

"தமிழகத்தில் சூரியன் என்றும் மறைவதில்லை மைலார்ட்!" என்றார்.

இந்த பதிலில் இரண்டு சுவாரஸ்யமான விஷயங்கள் உள்ளன:

நிர்வாக ரீதியாக: தமிழக அரசு 24 மணி நேரமும் சுறுசுறுப்பாகச் செயல்படுகிறது என்பதை ஒரு வழக்கறிஞராக அவர் பெருமையுடன் பதிவு செய்தார்.

அரசியல் ரீதியாக: தமிழகத்தின் ஆளும் கட்சியான திமுக-வின் சின்னம் 'உதயசூரியன்'. எனவே, "சூரியன் மறைவதில்லை" என்று அவர் சொன்னது நீதிமன்றத்தில் ஒரு மெல்லிய சிரிப்பலையை உருவாக்கி இருந்தது.

English summary

In Madras High Court when a complaint is made regarding the National Informatics Centre (NIC) web portal not working after 6 pm. Judge: Nothing works here after sunset is it? AAG J. Ravindran: In Tamil Nadu, the sun never sets MiLord