முதல்வரிடம் ஸ்கோர் செய்த ஜூனியர் அமைச்சர்! தட்டிக்கொடுத்து மேடையில் நிறுத்திய சீனியர் அமைச்சர்கள்!

ஜூனியர் அமைச்சரான மதிவேந்தன் படிபடியாக திறமைகளை வளர்த்துக் கொள்கிறார்.

சென்னை: முதலமைச்சர் ஸ்டாலினிடம் ஜூனியர் அமைச்சரான மதிவேந்தன் ஸ்கோர் செய்த விவகாரம் தான் சக அமைச்சர்கள் மத்தியிலேயே பேசு பொருளாக உள்ளது.

முதலமைச்சர் ஸ்டாலினின் பிறந்தநாளை ஒட்டி மஞ்சப்பையில் மரக்கன்று வழங்கும் திட்டத்தை வனத்துறை அமைச்சரான மதிவேந்தன் மிகுந்த ஆர்வமுடன் முன்னெடுத்ததே இதற்கு காரணமாக கூறப்படுகிறது.

சுற்றுலாத்துறை அமைச்சராக இருந்த மதிவேந்தன் அண்மையில் தான் வனத்துறை அமைச்சராக பொறுப்பேற்றார். பதவியேற்ற சில மாதங்களிலேயே பக்காவாக செயல்படத் தொடங்கியுள்ளார்.

முதல்வர் பிறந்தநாள்

முதலமைச்சர் ஸ்டாலினின் 70வது பிறந்தநாளை ஒட்டி அவரை நேரில் சந்தித்து வாழ்த்து தெரிவிக்க வந்தவர்கள் அனைவருக்கும் மரக்கன்றுகள் பரிசாக வழங்கப்பட்டன. இதன் பின்னணியில் வனத்துறை அமைச்சர் மதிவேந்தனின் பங்களிப்பும் இருந்ததால் முதலமைச்சருடன் மேடையில் ஒன்றாக நின்று வாழ்த்த வந்தவர்களை நெறிப்படுத்தும் பணியில் ஈடுபட்டார். பொதுவாக அவ்வளவு எளிதாக இந்த இடத்தை சீனியர் அமைச்சர்கள் யாருக்கும் விட்டுக் கொடுக்க மாட்டார்கள்.

அமைச்சர் மதிவேந்தன்

எ.வ.வேலு, பொன்முடி, கே.என்.நேரு போன்ற சீனியர் அமைச்சர்களும், டி.ஆர்.பாலு, ஆ.ராசா போன்ற கட்சி சீனியர்களும் மட்டுமே இன்று உட்பட ஆண்டுதோறும் அந்த இடத்தை ஆக்கிரமிப்பார்கள். இதனிடையே ஜூனியர் அமைச்சரான மதிவேந்தன் இன்று முதல்வருடன் ஒன்றாக சில மணி நேரங்கள் மேடையில் நின்றது தான் சக அமைச்சர்கள் மத்தியிலேயே பேசு பொருளாக உள்ளது.

அமைச்சர் எவ வேலு

அமைச்சர்கள் எவ வேலு மதிவேந்தனை தட்டிக்கொடுத்து மேடையில் தனது அருகில் நிறுத்திக் கொண்டார். ஆரம்பத்தில் சொல்லிக் கொள்ளும் அளவுக்கு மதிவேந்தனின் செயல்பாடுகள் இல்லாவிட்டாலும் கூட இப்போது படிபடியாக ஸ்டாலினிடமும், உதயநிதி ஸ்டாலினிடமும் ஸ்கோர் செய்து வருகிறார்.

வனத்துறை மாற்றம்

அமைச்சரவைக்கு புதியவரான மதிவேந்தனுக்கு ஆரம்பத்தில் சுற்றுலாத்துறை ஒதுக்கப்பட்டிருந்தது. படிபடியாக அமைச்சரவை செயல்பாடு பற்றிக் கற்றுக்கொண்ட இவர் இப்போது வனத்துறையில் தனது நடவடிக்கைகள் மூலம் மெல்ல ஸ்கோர் செய்து வருகிறார். குறிப்பாக முதல்வர் பிறந்தநாளுக்கு வாழ்த்துக் கூற வருபவர்களுக்கு மரக்கன்றுகள் வழங்கும் திட்டத்தின் திமுகவினர் மத்தியில் கவனம் ஈர்த்திருக்கிறார்.

English summary

Newcomer to the cabinet, junior minister Mathiventhan performance is commendable