Just In

ட்ரெட்மில்லில் அண்ணாத்தே ஆடுறார் பாடலுக்கு நடனமாடி அசத்திய அஸ்வின் குமாருக்கு கமல்ஹாசன் பாராட்டுகள்

Updated: Friday, June 19, 2020, 21:42 [IST]

சென்னை: ட்ரெட்மில்லில் தமது அண்ணாத்தே ஆடுறார் பாடலுக்கு நடனமாடி அசத்திய அஸ்வின்குமார் என்ற ரசிகருக்கு மக்கள் நீதி மய்யத்தின் தலைவர் கமல்ஹாசன் பாராட்டுகளைத் தெரிவித்துள்ளார்.

கமல்ஹாசன் இரட்டை வேடத்தில் நடித்த அபூர்வ சகோதரர்கள் மிகப் பெரிய வெற்றிப் படம். இந்த படத்தில் புலிவேசத்துடன் அண்ணாத்தே ஆடுறார் என கமல்ஹாசன் ஆடிய பாடல் அப்படி ஒரு சக்கை போடு போட்டது அந்த காலத்தில்!

Kamal Haasan congrants for His Fans Treadmil dance

இன்றும் அந்த பாடல் எல்லோரையும் துள்ள வைக்கக் கூடியது. இந்த பாடலை ட்ரெட்மில்லில் கமலின் தீவிர ரசிகரான அஸ்வின்குமார் அசத்தலான நடனமாடி தமது ட்விட்டர் பக்கத்தில் வீடியோ வெளியிட்டிருந்தார்.

கொரோனாவை ஒழிக்காமல் ஊர் பெயரை மாற்றி திரும்ப பெற்று செயலாடுவது ஏன் - கமல் கொரோனாவை ஒழிக்காமல் ஊர் பெயரை மாற்றி திரும்ப பெற்று செயலாடுவது ஏன் - கமல்

சமூக வலைதளங்களில் இந்த வீடியோ பெரும் வரவேற்பைப் பெற்றதுடன் வைரலாகவும் ஷேர் செய்யப்பட்டது. கமல்ஹாசனை போன்ற முகத் தோற்றத்துடன் அஸ்வின் ஆடிய ஆட்டம், 80களின் கமலை கண்முன்னே கொண்டு வந்து நிறுத்தியது.

இந்த வீடியோவை பார்த்த கமல், அஸ்வின் குமாரை மனம் திறந்து பாராட்டியுள்ளார். அதில். நான் செய்த நல்வினைகள் என் ரசிகரை சென்று அடைந்ததா எனும் சந்தேகம் எல்லாக் கலைஞர்களுக்கும் உண்டு.

என் சிறு அசைவுகளைக் கூட கவனித்த அண்ணாத்த ஆடுறார். அது அப்பனுக்கு எவ்வளவு பெருமை? வாழ்க மகனே ! என்னைத் தலைமுறைகள் விஞ்சப் பார்த்து மகிழ்வதே என் கடமை, பெருமை! என்று கமல்ஹாசன் கூறியுள்ளார்.

நெகிழ்ச்சி நன்றி

கமல்ஹாசனின் இந்த பாராட்டுக்கு நெகிழ்ச்சியுடன் நன்றி தெரிவித்திருக்கிறார் அஸ்வின்குமார். அய்யா- அப்பனே.. என கமல்ஹாசனை குறிப்பிட்ட அஸ்வின், அவரது வாழ்த்தை தமது வீட்டில் பிரேம் செய்து வைப்பதாக கூறியுள்ளார்.