பெருமைமிகு தமிழர் ரஜினிகாந்த் தமிழகத்துக்கு நல்லது செய்வார்...சரியான முடிவும் எடுப்பார்: கமல்ஹாசன்

சென்னை: நடிகர் ரஜினிகாந்த் பெருமைமிகு தமிழர்; அவர் தமிழகத்துக்கு நல்லதே செய்வார்; சரியான முடிவும் எடுப்பார் என்று மக்கள் நீதி மய்யத்தின் தலைவர் கமல்ஹாசன் கூறியுள்ளார்.

சென்னையில் நிகழ்ச்சி ஒன்றில் கமல்ஹாசன் பேசியதாவது:

நடிகர் ரஜினிகாந்த் தமிழராகவே மாறிவிட்டார். அவர் பெருமைக்குரிய தமிழர். அவர் தமிழக மக்களுக்கு அனைத்தும் செய்ய வேண்டும்.

தமிழக மக்களுக்கு ரஜினிகாந்த் நல்லது செய்வார். அவர் சரியான முடிவையும் நிச்சயம் மேற்கொள்வார். ஹேராம் படத்தை இப்போது எடுத்துவிட முடியாது.

இன்று நாடு பிரிவினை அரசியலுக்குள் சிக்கிவிட்டது. திராவிட அரசியல் என்பது சரியான திசையில் செல்ல ஒவ்வொருவரும் பங்க்களிப்பு செய்ய வேண்டும்.

ஊழல் மிகுந்த மாநிலமாக தமிழகம் மாறி இருக்கிறது. தலைமையில் மாற்றம் வராம்மல் நிலைமையில் மாற்றம் ஏற்பட வாய்ப்பு இல்லை. இவ்வாறு கமல்ஹாசன் கூறினார்.

English summary

Makkal Neethi Maiyam President Kamal haasan said that Rajinikanth will do his duty to stive for the Development.