கனிமொழியின் கணவர் அரவிந்தன் உடல்நிலையில் முன்னேற்றம்! மருத்துவமனையிலிருந்து விரைவில் டிஸ்சார்ஜ்!

கனிமொழி கணவர் அரவிந்தன் உடல்நிலையில் முன்னேற்றம்.

சென்னை: கனிமொழி எம்.பி.யின் கணவர் அரவிந்தன் நுரையீரல் தொற்று காரணமாக சிங்கப்பூர் மருத்துவமனையில் அனுமதிக்கப்பட்டுள்ள நிலையில், அவரது உடல்நலத்தில் முன்னேற்றம் ஏற்பட்டுள்ளதாக தெரிவிக்கப்படுகிறது.

இதனால் விரைவில் அவர் மருத்துவமனையிலிருந்து டிஸ்சார்ஜ் செய்யப்படுவார் என எதிர்பார்க்கப்படுகிறது.

கனிமொழியை தொலைபேசி மூலம் தொடர்பு கொண்டு பேசும் முதல்வர் ஸ்டாலின் சிகிச்சை முறைகள் பற்றி அவ்வப்போது கேட்டறிந்து வருகிறார்.

கனிமொழி கணவர்

திமுக துணை பொதுச்செயலாளரும், தூத்துக்குடி நாடாளுமன்ற உறுப்பினருமான கனிமொழியின் கணவர் அரவிந்தன் நுரையீரல் தொற்றால் பாதிக்கப்பட்டு மருத்துவமனையில் அனுமதிக்கப்பட்டுள்ளார். இவருக்கு அளிக்கப்பட்டு வரும் தீவிர தொடர் சிகிச்சையின் காரணமாக உடல் நலத்தில் முன்னேற்றம் ஏற்பட்டுள்ளதாக தெரிவிக்கப்படுகிறது. இதனிடையே சிங்கப்பூரில் தங்கி தனது கணவர் அரவிந்தன் உடல்நிலையை கவனித்து கொள்கிறார் கனிமொழி எம்.பி.

சென்னை திரும்புதல்

நுரையீரல் தொற்றுக்கான காரணம் குறித்து எந்த விவரமும் வெளியாகவில்லை. அரவிந்தன் பூரண நலம் பெற்ற பின்னர் அவரை மருத்துவமனையிலிருந்து டிஸ்சார்ஜ் செய்துவிட்டு கனிமொழி சென்னை திரும்புவார் எனக் கூறப்படுகிறது. இதனிடையே தற்போது சிங்கப்பூரில் இருந்தபடியே தனது தூத்துக்குடி நாடாளுமன்ற தொகுதிப் பணிகள் குறித்து அதிகாரிகளிடம் அப்டேட்ஸ் கேட்டு வருகிறார்.

கனிமொழி கவலை

கணவர் அரவிந்தனுக்கு உடல் நலக் குறைவு என்ற தகவலறிந்து கனிமொழி சற்று கலங்கி போய்விட்டதாக தெரிவிக்கிறார்கள் அவருக்கு நெருக்கமான வட்டாரத்தினர். கனிமொழியை தொலைபேசி மூலம் தொடர்பு கொண்டு பேசும் முதலமைச்சர் ஸ்டாலின் அரவிந்தனின் உடல்நலம் பற்றி பற்றி கேட்டறிந்து வருவது குறிப்பிடத்தக்கது.

நலம் விசாரிப்பு

கனிமொழியின் உதவியாளர்களை தொடர்பு கொள்ளும் கட்சியினரும், முக்கிய நிர்வாகிகளும், ஆதரவாளர்களும், அரவிந்தனுக்கு என்னாச்சு, என்ன டிரீட்மெண்ட் போகுது என்பதை ஆர்வமுடன் விசாரித்து வருகிறார்கள்.

English summary

Kanimozhi MP husband Aravindan has been admitted to a Singapore hospital due to a lung infection, but his health is reported to have improved.