ஒரு வார்த்தை ட்வீட்.. கனிமொழி, விஜயகாந்த் போட்ட ஒற்றை வார்த்தை என்ன தெரியுமா?

சென்னை: உலகம் முழுவதும் டிரெண்டான ஒற்றை வார்த்தை ட்வீட் தமிழ்நாடு அரசியலில் விவாதத்தை ஏற்படுத்தி இருக்கும் நிலையில் தேமுதிக தலைவர் விஜயகாந்தும் திமுக எம்பி கனிமொழியும் அதில் இணைந்து உள்ளனர்.

சமூக வலைதளங்களில் அடிக்கடி ஏதாவது ஒரு சேலஞ்ச் டிரெண்டாகி வருவது வழக்கம். யாராவது ஒருவர் ஏதோ ஒரு நாட்டில் இருந்துகொண்டு தொடங்கி வைக்கும் ஒரு விசயம் டிரெண்டாகி உலகம் முழுவதும் தாக்கத்தை ஏற்படுத்துகின்றனர்.

அந்த வகையில்தான் நேற்று முதல் ஒரு வார்த்தை சேலஞ்ச் ட்விட்டரில் டிரெண்டாகி வருகிறது. அமெரிக்கா மற்றும் கனடாவில் தனியார் ரயில் சேவை நிறுவனமான ஆம்டிராக், இன்று காலை தனது ட்விட்டரில் "trains" என்று ஒற்றை வார்த்தையில் ட்வீட் செய்தது.

உலக டிரெண்ட்

பல்லாயிரக்கணக்கானோரால் ரீட்வீட் செய்யப்பட்ட இந்த பதிவை பின் தொடர்ந்து பலரும் பதிவிட்டு வருகின்றன. இதனை தொடர்ந்து அமெரிக்காவை சேர்ந்த சி.என்.என். ஊடகம் பிரேக்கிங் நியூஸ் என ட்விட்டரில் பதிவிட்டதன் மூலம் இந்த டிரெண்டிங் உலகம் முழுவதும் வைரலானது. இதை தொடர்ந்து நாசா விண்வெளி ஆராய்ச்சி நிறுவனம் யுனிவர்ஸ் என்று ட்விட்டரில் பதிவிட்டது.

மு.க.ஸ்டாலின்

இது தமிழ்நாட்டில் டிரெண்டாக முக்கிய காரணம் முதலமைச்சர் மு.க.ஸ்டாலின். அவர் நேற்று தனது ட்விட்டர் பக்கத்தில் திராவிடம் என்று பதிவிட்டு ஒற்றை வார்த்தையின் தன்னுடைய கொள்கையையும் செயல்பாடுகளையும் வெளிப்படுத்தினார். அவரை தொடர்ந்து எடப்பாடி பழனிசாமி தமிழ்நாடு என்றும், திருமாவளவன் சனநாயகம் என்று ட்விட்டரில் பதிவிட்டு இருந்தனர்.

அரசியல் தலைவர்கள்

நாம் தமிழர் கட்சி ஒருங்கிணைப்பாளர் சீமான் தமிழ்த்தேசியம் என்றும், பாட்டாளி மக்கள் கட்சி நிறுவனம் ராமதாஸ் எனவும், தமிழ்நாடு பாஜக தலைவர் அண்ணாமலை தமிழன் என்று ட்விட்டரில் பதிவிட்டு இருந்தனர். அவரவர் பதிவிட்ட வார்த்தைகளை வைத்து விமர்சனங்களும், கருத்துக்களையும் நெட்டிசன்கள் ட்விட்டரில் தெரிவித்து வருகின்றனர்.

கனிமொழி, விஜயகாந்த்

இந்த நிலையில் தற்போது இந்த டிரெண்டிங்கில் தேமுதிக தலைவர் விஜயகாந்தும், திமுக எம்பி கனிமொழியும் இணைந்து உள்ளனர். கனிமொழி ட்விட்டரில் பெரியார் என்று பதிவிட்டு இருக்கிறார். தேமுதிக பொதுச்செயலாளர் விஜயகாந்த் #வறுமைஒழிப்பு என்று குறிப்பிட்டு இருக்கிறார். ஒற்றை வார்த்தை பதிய வேண்டும் என்ற நிலையில் விஜயகாந்த் 2 வார்த்தைகளை ஒரே வார்த்தையாக பதிவிட்டுள்ளார்.

English summary

Kanimozhi, Vijayakanth joined in twitter one word trend: உலகம் முழுவதும் டிரெண்டான ஒற்றை வார்த்தை ட்வீட் தமிழ்நாடு அரசியலில் விவாத்தை ஏற்படுத்தி இருக்கும் நிலையில் தேமுதிக தலைவர் விஜயகாந்தும் திமுக எம்பி கனிமொழியும் அதில் இணைந்து உள்ளனர்.