திமுகவின் 21 வேட்பாளர்கள்.. எந்த ஜாதிக்கு அதிக வாய்ப்பு கிடைத்துள்ளது தெரியுமா?

சென்னை: லோக்சபா தேர்தலில் போட்டியிடும் திமுகவின் 21 வேட்பாளர்களை அக்கட்சியின் தலைவரும் தமிழ்நாடு முதல்வருமான மு.க.ஸ்டாலின் இன்று அறிவித்தார்.

தமிழ்நாடு தேர்தல் களத்தில் ஜாதி, மதங்களைக் கடந்து கட்சிகள்தான் பிரதானமாக அடையாளப்படுத்தப்படுகின்றன. அதே நேரத்தில் எந்த அரசியல் கட்சியாக இருந்தாலும் சட்டசபை, லோக்சபா தேர்தல்களில் தொகுதிகளில் பெரும்பான்மை ஜாதியை அடிப்படையாக வைத்து வேட்பாளர்களை தேர்வு செய்வதும் வழக்கம்.

தற்போதைய லோக்சபா தேர்தலில் திமுக கூட்டணியில் திமுக 21 தொகுதிகளில் போட்டியிடுகிறது. இந்த 21 தொகுதிகளுக்கான வேட்பாளர்களை அக்கட்சித் தலைவரும் முதல்வருமான மு.க.ஸ்டாலின் அறிவித்தார்.

திமுக வேட்பாளர்களில் 5 பேர் வன்னியர் ஜாதியைச் சேர்ந்தவர்கள்; அடுத்ததாக முக்குலத்தோர் ஜாதியை (தேவர், கள்ளர்) சேர்ந்த 4 பேருக்கு வாய்ப்பு கொடுக்கப்பட்டுள்ளது. கவுண்டர் ஜாதியை சேர்ந்த 3 பேரை திமுக வேட்பாளர்களாக அறிவித்துள்ளது.

திமுக வேட்பாளர்களும் ஜாதி விவரமும்:

1. திருபெரும்புதூர் - டி.ஆர்.பாலு (தேவர்)

2. தூத்துக்குடி - கனிமொழி கருணாநிதி (இசை வேளாளர்)

3. நீலகிரி (தனி) - ஆ.ராசா (தலித்)

4. மத்திய சென்னை - தயாநிதி மாறன் (இசை வேளாளர்)

5. அரக்கோணம் - எஸ். ஜெகத்ரட்சகன் (வன்னியர்)

6. வட சென்னை - Dr கலாநிதி வீராசாமி (நாயுடு)

7. தென் சென்னை - தமிழச்சி தங்கப்பாண்டியன் (தேவர்)

8. காஞ்சிபுரம் ( தனி) - க.செல்வம் (தலித்)

9. வேலூர் - கதிர் ஆனந்த் (வன்னியர்)

10. தருமபுரி - வழக்கறிஞர் அ.மணி (வன்னியர்)

11. திருவண்ணாமலை - சி.என்.அண்ணாதுரை (அகமுடைய முதலியார்)

12. ஆரணி - தரணி வேந்தன் (வன்னியர்)

13. கள்ளக்குறிச்சி - தே.மலையரசன் (பார்க்கவர்)

14. சேலம் - டி. எம். செல்வகணபதி (வன்னியர்)

15. ஈரோடு - கே.இ.பிரகாஷ் (கவுண்டர்)

16. கோவை - கணபதி பி.ராஜ்குமார் (கவுண்டர்)

17. பொள்ளாச்சி - கே.ஈஸ்வரசாமி (கவுண்டர்)

18. பெரம்பலூர் - அருண் நேரு (ரெட்டியார்)

19. தஞ்சாவூர் - முரசொலி (கள்ளர்)

20. தேனி - தங்க தமிழ்ச்செல்வன் (கள்ளர்)

21. தென்காசி (தனி) - Dr ராணி ஸ்ரீகுமார் (தலித்)

English summary

Vanniyars got more seats in the DMK Canaidtes List for the Lok Sabha Election 2024.