எம்ஜிஆரின் செல்லப் பிள்ளை.. தனிக்கட்சி.. திமுகவின் 4முறை எம்பி.. யார் இந்த ஜெகத்ரட்சகன்?
சென்னை: அரக்கோணம் லோக்சபா தொகுதியில் 4-வது முறையாக வெற்றி பெற்றிருக்கிறார் திமுகவின் மூத்த தலைவர்களில் ஒருவரான ஜெகத்ரட்சகன்.
எம்ஜிஆர் காலத்தில் அவரது செல்லப் பிள்ளைகளில் ஒருவராக இருந்தவர் ஜெகத்ரட்சகன். 1984-ம் ஆண்டு லோக்சபா தேர்தலில் போட்டியிட்டு அதிமுக எம்பியாக நாடாளுமன்றத்துக்குள் நுழைந்தார். 1985-89-ல் அதிமுக நாடாளுமன்ற குழுத் தலைவராகவும் இருந்தார்.
வீர வன்னியர் பேரவை என்ற இயக்கத்தை தொடங்கியவர்; பின்னர் ஜனநாயக முன்னேற்றக் கழகம் என கட்சியாக மாற்றினார். 2004-ல் இந்த கட்சி திமுகவுடன் இணைந்தது. 1999, 2009-ல் அரக்கோணம் தொகுதியில் போட்டியிட்டு வென்று எம்பியானார். 2014-ல் ஶ்ரீபெரும்புதூரில் போட்டியிட்டு தோல்வியைத் தழுவினார். 2019-ல் மீண்டும் அரக்கோணத்தில் போட்டியிட்டு எம்பியானார். தற்போதும் அரக்கோணம் தொகுதியில் போட்டியிட்டு வென்றுள்ளார் ஜெகத்ரட்சகன்.
லோக்சபா எம்பியாக இருந்த காலத்தில் மத்திய அரசின் பல்வேறு குழுக்களில் உறுப்பினராக இருந்தார். மத்திய அமைச்சர் பதவியையும் வகித்திருந்தார். பாலாஜி மருத்துவமனை, மருத்துவக் கல்லூரிகள் உள்ளிட்டா ஏராளமான கல்வி நிறுவனங்களை நடத்தி வருகிறார். நிலக்கரி சுரங்க முறைகேடு புகாரிலும் சிக்கியிருந்தார் ஜெகத்ரட்சகன். வருமா வரி, அமலாக்கத்துறை சோதனைகளுக்குள்ளானவர். புதுவையில் திமுகவின் முதல்வர் வேட்பாளராக பேசப்பட்டவர்.
லோக்சபா தேர்தல்களில் அரக்கோணம் தொகுதியில் ஜெகத்ரட்சகன் பெற்ற வாக்குகள்:
2009-ம் ஆண்டு லோக்சபா தேர்தல் முடிவுகள்
ஜெகத்ரட்சகன்(திமுக) 4,15,041
வேலு (பாமக) 3,05,245
சங்கர்(தேமுதிக) 82,038
2019-ம் ஆண்டு லோக்சபா தேர்தல் முடிவுகள்
ஜெகத்ரட்சகன் (திமுக) - 6,72,190
ஏகே மூர்த்தி (பாமக)- 3,43,234
பார்த்திபன் (அமமுக)- 66,826
பாவேந்தன் (நாம் தமிழர் கட்சி) 29,347
ராஜேந்திரன் (மக்கள் நீதி மய்யம்) 23
2024 தேர்தல் முடிவுகள்
ஜெகத்ரட்சகன் (திமுக) 563216
விஜயன் (அதிமுக) 256657
பாலு (பாமக) 202325
அப்சியா நஸ்ரின் (நாம் தமிழர்) 98944
Click it and Unblock the Notifications
Sign in with Google