வாங்க.. நீங்கள் ஆள வேண்டும்.. ரஜினிகாந்த் வீடு முன் பரபரக்கும் போஸ்டர்கள்.. குவியும் ரசிகர்கள்!

நடிகர் ரஜினிகாந்த் வீடு முன் அவரின் ரசிகர்களின் சார்பில் நிறைய போஸ்டர்கள் அடித்து ஒட்டப்பட்டுள்ளது.

Updated: Thursday, March 12, 2020, 9:08 [IST]

Subscribe to Oneindia Tamil

சென்னை: நடிகர் ரஜினிகாந்த் வீடு முன் அவரின் ரசிகர்களின் சார்பில் நிறைய போஸ்டர்கள் அடித்து ஒட்டப்பட்டுள்ளது.

இன்று மீட்டிங்

இந்த நிலையில் பல்வேறு எதிர்பார்ப்பு சர்ச்சைகளுக்கு இடையில் தற்போது நடிகர் ரஜினிகாந்த், தனது மக்கள் மன்ற மாவட்ட செயலாளர்களை சந்திக்கிறார். ஏற்கனவே ரஜினிகாந்த் கடந்த வாரம் தனது மக்கள் மன்ற நிர்வாகிகளை சந்தித்தார். அரசியல் குறித்த பல்வேறு விஷயங்களை ரஜினிகாந்த் ஆலோசனை செய்தார். இதில் பல்வேறு முக்கிய விஷயங்கள் ஆலோசிக்கப்பட்டு, முடிவு எடுக்கப்பட்டதாக கூறப்படுகிறது.

முக்கிய அறிவிப்பு

இந்த நிலையில் இன்று முக்கிய அரசியல் அறிவிப்பு ரஜினி தரப்பிடம் இருந்து வெளியாகும் என்று எதிர்பார்க்கப்படுகிறது. எப்போதும் வீட்டு வாசலில் நின்று பேட்டி கொடுக்கும் ரஜினி இன்று ஸ்டார் ஹோட்டலில் காலை 10.30 மணிக்கு செய்தியாளர்களை சந்திக்கிறார். சென்னை லீலா பேலஸ் ஹோட்டலில் செய்தியாளர்களை சந்திக்கிறார். இதில் அரசியல் கட்சி குறித்த அறிவிப்பை ரஜினி வெளியிடுவார் என்கிறார்கள்.

வீடு முன் போஸ்டர்

இதையடுத்து நடிகர் ரஜினிகாந்த் வீடு முன் அவரின் ரசிகர்களின் சார்பில் நிறைய போஸ்டர்கள் அடித்து ஒட்டப்பட்டுள்ளது. தலைவா.. நீங்க வர வேண்டும், நீங்கள் ஆள வேண்டும் என்று போஸ்டர்கள் ஒட்டப்பட்டுள்ளது. இன்னும் சில போஸ்டர்களில், கோட்டையை பிடிக்க போவது நாம்தான், 2021 கோட்டையில் தலைவர் என்று வித விதமாக போஸ்டர்கள் ஒட்டப்பட்டுள்ளது. அவரின் மக்கள் மன்றம் சார்பாக இந்த போஸ்டர் ஒட்டப்பட்டுள்ளது.

ரசிகர்கள் ஏன்?

அதேபோல் அவரின் வீடு முன் ரசிகர்கள் கூட தொடங்கி உள்ளனர். கையில் சுவீட் மற்றும் பூக்களுடன் ரஜினி ரசிகர்கள் அவரின் போயஸ் கார்டன் இல்லம் முன் கூட தொடங்கி உள்ளனர். ரஜினிகாந்த் இன்னும் சற்று நேரத்தில் ஆலோசனை கூட்டத்தில் கலந்து கொள்வதற்காக வெளியே வருவார். அவரை வரவேற்க வேண்டும் என்பதற்காக அவரின் வீட்டு வாசலில் பலர் காத்திருக்கிறார்கள் .