146-வது தந்தை பெரியார் பிறந்த நாள்: "பள்ளிக்கூடங்கள் பகுத்தறிவு கற்றுத்தரட்டும்"- கனிமொழி

சென்னை: 'பகுத்தறிவுப் பகலவன்' தந்தை பெரியாரின் 146-வது பிறந்த நாள் கொண்டாட்டங்கள் தமிழ்நாடு முழுவதும் நடைபெற்று வருகின்றன. பெரியார் பிறந்த நாளை முன்னிட்டு காங்கிரஸ் கமிட்டியின் அகில இந்திய தலைவர் மல்லிகார்ஜூன கார்கே, திமுக எம்பி கனிமொழி உள்ளிட்டோர் வாழ்த்துச் செய்தி வெளியிட்டுள்ளனர். கனிமொழி எம்பி தமது வாழ்த்துச் செய்தியில் பள்ளிக் கூடங்கள் பகுத்தறிவு கற்றுத் தரட்டும் என தெரிவித்துள்ளார்.

தந்தை பெரியாரின் 146-வது பிறந்த நாளை முன்னிட்டு காங்கிரஸ் கமிட்டியின் அகில இந்திய தலைவர் மல்லிகார்ஜூன கார்கே தமது எக்ஸ் பக்கத்தில், கல்வி, சுயமரியாதை, பகுத்தறிவுதான் ஒடுக்கப்பட்ட மக்களை மேம்படுத்தும் என்றார் தந்தை பெரியார். மிகச் சிறந்த சமூக சீர்திருத்தவாதி, சமூக நீதி, சமத்துவத்துக்காக போராடிய தந்தை பெரியாரைப் போற்றுவோம் என தெரிவித்துள்ளார்.

திமுக நாடாளுமன்ற குழுத் தலைவர் கனிமொழி எம்பி எக்ஸ் பக்கத்தில், "It is the duty of every citizen to develop a scientific temper,humanism,and the spirit of inquiry and reform"-Constitution of India

பள்ளிக்கூடங்கள் பகுத்தறிவு கற்றுத்தரட்டும்.
வகுப்பறைகளில் சமத்துவம் ஓங்கட்டும்.
பாடங்களில் பிற்போக்கு ஒழியட்டும்.
மாணவர்களிடம் பெரியார் பேசட்டும்

என பதிவிட்டுள்ளார்.

தமிழ்நாடு அமைச்சர் உதயநிதி ஸ்டாலின்: ஈராயிரம் ஆண்டு மடமைக்கு எதிரான ஈரோட்டுப் பூகம்பம் - பகுத்தறிவுப் பகலவன் தந்தைப் பெரியார் பிறந்த நாள் இன்று. பழமை சிந்தனைகளால் பாதுகாக்கப்பட்ட அநீதிகளையும், மூட நம்பிக்கைகளையும் பகுத்தறிவு கொண்டு சுட்டெரித்த சுயமரியாதை சூரியன் தந்தை பெரியார் இன்றைக்கும், என்றைக்கும் நம் தமிழ்நாட்டின் அடையாளம்.

உடலால் மறைந்தாலும்; என்றும் மறையாத - எக்காலமும் பொருந்துகிற திராவிடத் தத்துவமாய் நம்மோடு வாழ்கின்ற பெரியாரின் கருத்துக்களை அடுத்தடுத்த தலைமுறைக்கு இன்னும் வேகத்தோடும் - ஆழத்தோடும் கொண்டு சேர்க்க உறுதியேற்போம். சமூகநீதி நாள் போற்றுவோம்!

English summary

Congress President Mallikarjun Kharge, DMK Deputy General Secretary Kanimozhi MP Paind tribute Thanthai Periyar on 146th Birthday today.