பொண்ணுங்க அழகா இருந்தாங்க.. அதான்.. அசிங்கமாக பேசி அடி வாங்கிய 3 வாலிபர்கள்!

சென்னை ரயிலில் பெண்களை மோசமாக கேலி செய்த நபர் கைது

சென்னை: "சார்.. பொண்ணுங்க ரொம்ப அழகா இருந்தாங்க.. ஆசையா இருந்தது.. அதான்..." என்றதும் சரமாரியாக பொதுமக்கள் இளைஞர்களை அடித்து துவைத்து எடுத்து விட்டார்கள்.

நேற்று மதியம் 1.30 மணி இருக்கும். பீச் ஸ்டேஷனில் இருந்து வேளச்சேரிக்கு ஒரு எலக்டரிக் ட்ரெயின் போய் கொண்டிருந்தது.

சிந்தாதிரிப்பேட்டை அருகே ரயில் வந்தபோது அதில் 3 இளைஞர்கள் ஏறினார்கள். 3 பேருமே தண்ணி அடித்திருந்தார்கள். ஏறியதும் கம்பார்ட்மென்ட்டில் யார் யார் இருக்கிறார்கள் என்று ஒரு லுக் விட்டார்கள். அப்போது 4 பெண்கள் ஒன்றாக உட்கார்ந்திருந்தார்கள்.

ஆபாச பேச்சு

3 பேரும் அவர்களிடம் போய் நின்று கொண்டார்கள். போதை அதிகமாக இருந்ததால் கெட்டியாக கம்பியையும் பிடித்து கொண்டார்கள். இப்போது ஒருவர் மாற்றி ஒருவராக அந்த பெண்களிடம் ஆபாசமாக பேச ஆரம்பித்தார்கள்.

சேட்டையை தொடங்கினர்

நேரம் ஆக ஆக டபுள் மீனிங் வார்த்தைகள் அந்த பெண்களை காதை அடைத்து கொள்ள செய்தது. கொஞ்ச நேரத்தில் கோட்டூர்புரம் ஸ்டேஷன் வந்தது. அதன்பின்னர் அந்த பெண்களின் பக்கத்தில் 3 பேரும் உட்கார்ந்துகொண்டு அவர்களிடம் சேட்டை செய்ய ஆரம்பித்தார்கள். அப்போதுதான் ஒரு பயணி இதை கவனித்தார்.

ரயில்வே போலீசார்

ஆத்திரப்பட்டு அந்த நபர் தன் சீட்டிலிருந்து எழுந்து வந்து 3 பேரில் ஒருவரின் கன்னத்தில் அறைந்து சரமாரியாக திட்ட ஆரம்பித்தார். உடனே தரமணி ஸ்டேஷன் வந்ததும் 3 பேரும் தப்பி ஓட முயன்றனர்.ஆனால் மற்ற பயணிகள் எல்லாம் சேர்ந்து விரட்டியதில் ஒருவர் மட்டும் சிக்கினார். அவரை ரயில்வே போலீசாரிடம் ஒப்படைத்தனர்.

அழகா இருந்தாங்க

விசாரணையில், "கூலி வேலை செய்கிறேன்.. அந்த பொண்ணுங்க 4 பேருமே அழகா இருந்தாங்க. அதனாலதான் கிட்ட போனோம். பேசணும்னு ஆசையா இருந்தது. செல்போன் நம்பர் கேக்கலாம்னு பக்கத்துல உட்கார்ந்தோம்" என்றார். இதையடுத்து போலீசார் அவரை தங்களுடன் அழைத்து சென்றார்கள்.

English summary

Young Man arrested for teasing women in Chennai Electric Train