சேமிப்பு கணக்கு வைத்திருப்பவர்களுக்கு.. ஷாக் செய்தி.. பிரபல வங்கிகள் எடுத்த முக்கிய முடிவு! போச்சு

Updated: Thursday, June 19, 2025, 12:57 [IST]

Subscribe to Oneindia Tamil

சென்னை: சேமிப்பு கணக்கு வைத்திருப்பவர்களுக்கு ஒரு முக்கியமான செய்தி. ரிசர்வ் வங்கி (RBI) ஜூன் 2025 இல் ரெப்போ விகிதத்தை 50 அடிப்படை புள்ளிகள் குறைத்ததைத் தொடர்ந்து, ஸ்டேட் பாங்க் ஆஃப் இந்தியா (SBI), HDFC வங்கி மற்றும் ICICI வங்கி போன்ற முக்கிய வங்கிகள் சேமிப்புக் கணக்குகளுக்கான வட்டி விகிதங்களைக் குறைத்துள்ளன.

இந்த ஆண்டுக்கான ஒட்டுமொத்த வட்டி விகிதக் குறைப்பு 1% ஆக உள்ளது. பல தனியார் மற்றும் பொதுத்துறை வங்கிகள் ஒரே மாதிரியான குறைந்த வட்டி விகிதத்தை அமல்படுத்தியுள்ளன. இது அனைத்து சேமிப்பு கணக்கு வைத்திருப்பவர்களையும் பாதிக்கும்.

எஸ்பிஐ வட்டி விகிதத்தை 2.5% ஆக குறைத்தது

நாட்டின் மிகப்பெரிய கடன் வழங்குனரான எஸ்பிஐ, தனது சேமிப்புக் கணக்குகளுக்கான வட்டி விகிதத்தை ஆண்டுக்கு 2.5% ஆக குறைத்துள்ளது. இந்த புதிய வட்டி விகிதம் ஜூன் 15, 2025 முதல் அமலுக்கு வந்துள்ளதாக செய்தி வெளியிட்டுள்ளது. முன்னதாக, எஸ்பிஐ வங்கி ரூ.10 கோடிக்கும் குறைவான சேமிப்பு தொகைக்கு 2.7% வட்டியும், ரூ.10 கோடிக்கு அதிகமான தொகைக்கு 3% வட்டியும் வழங்கி வந்தது.

HDFC வங்கியும் 2.75% ஆக குறைப்பு

HDFC வங்கியும் தனது சேமிப்புக் கணக்குகளுக்கான வட்டி விகிதத்தை ஜூன் 10, 2025 முதல் 2.75% ஆக குறைத்துள்ளது. இதற்கு முன்பு, HDFC வங்கி ரூ.50 லட்சத்துக்கும் குறைவான சேமிப்பு தொகைக்கு 2.75% வட்டியும், ரூ.50 லட்சத்துக்கு அதிகமான தொகைக்கு 3.25% வட்டியும் வழங்கி வந்தது குறிப்பிடத்தக்கது.

ICICI வங்கியின் புதிய வட்டி விகிதம்

ICICI வங்கியும் தனது வட்டி விகிதத்தை ஆண்டுக்கு 2.75% ஆக குறைத்துள்ளது. இந்த புதிய விகிதம் ஜூன் 12, 2025 முதல் அமலுக்கு வந்துள்ளது. முன்னதாக, ICICI வங்கி ரூ.50 லட்சத்துக்கும் குறைவான சேமிப்பு தொகைக்கு 2.75% வட்டியும், அதற்கு அதிகமான தொகைக்கு 3.25% வட்டியும் வழங்கி வந்தது.

பிற வங்கிகளின் வட்டி விகிதங்கள்

ரிசர்வ் வங்கியின் நாணயக் கொள்கை மாற்றத்திற்கு ஏற்ப மற்ற வங்கிகளும் தங்கள் வட்டி விகிதங்களை மாற்றியமைத்துள்ளன. அந்த வங்கிகளின் வட்டி விகிதங்கள் பின்வருமாறு:

பாங்க் ஆஃப் பரோடா: 2.7% முதல் 4.25% வரை (ஜூன் 12 முதல் அமல்)
ஃபெடரல் வங்கி: 2.5% முதல் 6.25% வரை (ஜூன் 17 முதல் அமல்)
இண்டஸ்இண்ட் வங்கி: 3% முதல் 5% வரை (ஜூன் 16 முதல் அமல்)
RBL வங்கி: 3% முதல் 6.75% வரை (ஜூன் 16 முதல் அமல்)
வங்கிகள் டெபாசிட் மீதான வருவாயை குறைத்து, நிலையான வைப்பு (FD) விகிதங்களையும் குறைத்துள்ளன. இது ரிசர்வ் வங்கியின் வட்டி விகித குறைப்பு நடவடிக்கையின் விளைவாக ஏற்பட்ட மாற்றமாகும்.

வங்கிகள் ரிசர்வ் வங்கியின் முடிவுக்கு ஏற்ப வட்டி விகிதங்களை மாற்றியமைத்துள்ளதால், சேமிப்புக் கணக்கு வைத்திருப்பவர்கள் தங்கள் முதலீட்டு முடிவுகளை கவனமாக ஆராய்ந்து எடுப்பது நல்லது.