முதுபெரும் இந்திய இடதுசாரி தலைவர் என். சங்கரய்யாவுக்கு இன்று 99-வது பிறந்த நாள்
சென்னை: முதுபெரும் இடதுசாரி தலைவர் என். சங்கரய்யாவுக்கு இன்று 99-வது பிறந்த நாள். தற்போது கொரோனா காலம் என்பதால் அவருக்கு நேரில் வாழ்த்து தெரிவிக்க வேண்டாம் என்று மார்க்சிஸ்ட் கம்யூனிஸ்ட்சியின் தமிழ் மாநில செயலாளர் பாலகிருஷ்ணன் கேட்டுக் கொண்டுள்ளார்.
இது தொடர்பாக கே. பாலகிருஷ்ணன் வெளியிட்டுள்ள அறிக்கை:
இந்திய கம்யூனிஸ்ட் இயக்கத்தின் முதுபெரும் தலைவரும் மார்க்சிஸ்ட் கம்யூனிஸ்ட் கட்சியின் மகத்தான தலைவர்களில் ஒருவருமான தோழர் என்.சங்கரய்யா அவர்கள், ஜூலை 15-ல் 99 வயதை எட்டுகிறார்.
தற்போது நிலவி வரும் கொரோனா தொற்று பரவல் சூழலில், தோழர் என்.சங்கரய்யாவுக்கு வாழ்த்து தெரிவிக்கும் பொருட்டு தோழர்கள் நேரில் செல் வதை தவிர்க்குமாறு கேட்டுக் கொள்கிறோம்.
முகநூல் வாயிலாகவும் இதர சமூக ஊடகங்கள் வாயிலாகவும் தோழர்கள் தங்களது வாழ்த்துக்களை யும் மகிழ்ச்சியையும் பரிமாறிக் கொள்ளுமாறு கேட்டுக் கொள்கிறோம்.
இவ்வாறு பாலகிருஷ்ணன் கேட்டுக் கொண்டுள்ளார்
Click it and Unblock the Notifications
Sign in with Google