பிளஸ் 2 மதிப்பெண் பட்டியல்.. எத்தனை பேர் 500 மதிப்பெண்களுக்கு மேல்?

சென்னை: தமிழகத்தில் பிளஸ் 2 மதிப்பெண் பட்டியலை வெளியிட்ட அமைச்சர் அன்பில் மகேஷ் பொய்யாமொழி, இந்த தேர்வில் 600-க்கு 600 மதிப்பெண்களை யாரும் பெறவில்லை. அதே நேரத்தில் எத்தனை பேர் எந்த ரேஞ்சில் மதிப்பெண்களை பெற்றனர் என்பது குறித்தும் அறிவிக்கப்பட்டுள்ளது.

தமிழகத்தில் கொரோனா பரவல் காரணமாக பிளஸ் 2 தேர்வு நடத்தப்படாமல் அனைவரும் தேர்ச்சி என அறிவிக்கப்பட்டது. இந்த நிலையில் பிளஸ் 2 தேர்வின் மதிப்பெண்களை வைத்துதான் உயர்கல்வியில் மாணவர்கள் சேர முடியும் என்பதால் இந்த தேர்வில் மதிப்பெண்ணை கணக்கிட தனி முறையை பள்ளிக் கல்வித் துறை கையாண்டது.

அதன்படி 8 லட்சத்து 18 ஆயிரம் மாணவ மாணவியரின் மதிப்பெண் விவரங்கள் வெளியிடப்பட்டுள்ளன. இதை பள்ளிக் கல்வித் துறை அமைச்சர் அன்பில் மகேஷ் பொய்யாமொழி வெளியிட்டுள்ளார்.

அப்போது அவர் கூறுகையில் யாரும் 600- 600 மதிப்பெண்களை பெறவில்லை. பள்ளிக்கு வராத 1656 பேர் தேர்ச்சி பெறாதவர்களாகவே அறிவிக்கப்படுகிறார்கள். மதிப்பெண்ணில் திருப்தி இல்லாவிட்டால், பிளஸ் 2 தேர்வை மாணவர்கள் எழுதலாம். அவர்களுக்கு செப்டம்பர், அக்டோபர் மாதங்களில் தேர்வு நடத்தப்படும்.

முதல்முறையாக தசம எண் அடிப்படையில் மதிப்பெண்கள் கணக்கிட்டு வெளியிடப்பட்டுள்ளன. 551 முதல் 600 வரை 39,679 மாணவர்களும், 501- 550 வரை 1,67,133 மாணவர்களும், 451- 500 வரை 2,22,522 மாணவர்களும் 401 முதல் 450 வரை 2,08,015 மாணவர்களும் 351 முதல் 400 வரை 1,19,579 மாணவர்களும் பெற்றனர். ஜூலை 22 ஆம் தேதி மதிப்பெண்களை பதிவிறக்கம் செய்து கொள்ளலாம் என்றார்.

English summary

Plus 2 results: Minister Anbil Mahesh releases Plus 2 marks.