இவரையும் ஞாபகம் வச்சுக்கங்க.. உதயநிதியை வாழ்த்திய திமுக எம்எல்ஏக்களை கிண்டலடித்த ஜெயக்குமார்

சென்னை: எல்லோரையும் வாழ்த்துறீங்க உங்க இனமான பேராசிரியர் அன்பழகனையும் கொஞ்சம் ஞாபகம் வைத்துக்கொள்ளுங்கள் என சட்டசபையில் அமைச்சர் ஜெயக்குமார் கிண்லடித்தார்.

சட்டசபையில், இன்று காலை செய்தி மற்றும் விளம்பரத்துறை, எழுதுபொருள் மற்றும் அச்சுத்துறை, தமிழ் வளர்ச்சித் துறை மானிய கோரிக்கைகள் மீது, விவாதம் நடந்து வருகிறது. அமைச்சர்கள் ராஜு, பாண்டியராஜன், ஆகியோர் துறைவாரியாக விவாதத்திற்கு பதில் அளித்து வருகிறார்கள்.

திமுக எம்எல்ஏக்கள் சட்டசபையில் இன்று பேச ஆரம்பித்த உடன் மறைந்த முன்னாள் முதல்வர் கருணாநிதி, திமுக தலைவர் முக ஸ்டாலின், திமுக இளைஞரணி செயலாளர் உதயநிதி ஸ்டாலின் ஆகியோரை வாழ்த்தி பேசினார்கள்.

இதற்கு மீன்வளத்துறை அமைச்சர் ஜெயக்குமார் திமுக எம்எல்ஏக்களை கிண்டலடிக்கும் விதமாக விமர்சனம் செய்தார். அப்போது அமைச்சர் ஜெயக்குமார் கூறுகையில் எல்லோரையும் வாழ்த்துறீங்க உங்க இனமான பேராசிரியர் அன்பழகனையும் கொஞ்சம் ஞாபகம் வைத்துக்கொள்ளுங்கள் என கிண்டல் அடித்தார்.

English summary

minister jayakumar Tease dmk mlas at tn assembly over wishes to dmk youth wing secretary udhayanidhi stalin