“சின்னக் கலைவாணர் விவேக் சாலை”.. பெயர் பலகை திறக்கப்பட்டது..கருணையே வடிவமான முதல்வர் என உருக்கம்.!

சென்னை : மறைந்த நடிகர் விவேக் வீடு அமைந்துள்ள சாலை "சின்னக் கலைவாணர் விவேக் சாலை" என பெயர் மாற்றம் செய்யப்பட்ட நிலையில், பெயர் பலகையை மக்கள் நல்வாழ்வுத்துறை அமைச்சர் மா.சுப்பிரமணியன் திறந்து வைத்தார்.

தமிழ் சினிமா கண்டெடுத்த நகைச்சுவை நடிகர்களில் தனக்கென்று தனி வழியை கடைப்பிடித்தவர் சின்னக் கலைவாணர் விவேக். தனது நகைச்சுவையால் சிரிக்கவும், சிந்திக்கவும் வைத்த அவர் மரக்கன்றுகள் நடுவதில் மிகவும் ஆர்வம் காட்டினார்.

சாதி, மத, மூடநம்பிக்கைகளை எதிர்த்து தனது காமெடி காட்சிகளின் வழியே சாமானியர்களுக்கும் நல்ல செய்தியை, விழிப்புணர்வை கொண்டு சென்ற அவர் இறுதிநாட்கள் வரை சமூகப் பணி மேற்கொண்டார்.

நடிகர் விவேக்

இந்நிலையில் கடந்தாண்டு ஏப்ரல் 17ஆம் தேதி மாரடைப்பு காரணமாக விவேக் திடீரென உயிரிழந்தார். அவரது மறைவு திரையுலகத்தினரையும், மக்களையும் சோகத்தில் ஆழ்த்தியது. விவேக்கின் முதலாம் ஆண்டு நினைவு தினம் கடந்த மாதம் 17ஆம் தேதி அனுசரிக்கப்பட்டது.

பெயர் வைக்க கோரிக்கை

இந்த நிலையில் நடிகர் விவேக்கின் மனைவி அருட் செல்வி தமிழக முதல்வர் மு.க.ஸ்டாலினை கடந்த சில நாட்களுக்கு முன்னர் சந்தித்து கோரிக்கை ஒன்றை வைத்துள்ளார். அதில் நடிகர் விவேக் இல்லம் அமைந்திருக்கும் சாலைக்கு விவேக்கின் பெயர் சூட்ட வேண்டும் என்று கோரிக்கை வைத்தார். இந்த நிலையில் நடிகர் விவேக்கின் மனைவி அருட் செல்வி தமிழக முதல்வர் மு.க.ஸ்டாலினை கடந்த சில நாட்களுக்கு முன்னர் சந்தித்து கோரிக்கை ஒன்றை வைத்துள்ளார். அதில் நடிகர் விவேக் இல்லம் அமைந்திருக்கும் சாலைக்கு விவேக்கின் பெயர் சூட்ட வேண்டும் என்று கோரிக்கை வைத்தார்.

அரசாணை வெளியீடு

தமிழக அரசும், தமிழக முதல்வருமான ஸ்டாலினும் நடிகர் விவேக்கின் மனைவி வைத்த கோரிக்கையை நிறைவேற்றுவார்கள் என்ற பலத்த எதிர்பார்ப்பில் திரைத்துறையினரும் விவேக்கின் ரசிகர்களும் இருந்த நிலையில் அவரது கோரிக்கையை ஏற்று அரசாணை வெளியிடப்பட்டுள்ளதாக சுகாதாரத்துறை அமைச்சர் மா.சுப்பிரமணியன் கூறியிருந்தார்.

பெயர் பலகை திறப்பு

இந்நிலையில் சென்னையில் இன்று நடைபெற்ற நிகழ்ச்சியில் "சின்னக் கலைவாணர் விவேக் சாலை" என பெயர் மாற்றம் செய்யப்பட்ட பெயர் பலகையை மக்கள் நல்வாழ்வுத்துறை அமைச்சர் மா.சுப்பிரமணியன் திறந்து வைத்தார். இந்த நிகழ்ச்சியில் சென்னை மேயர் ப்ரியா, நடிகர் விவேக்கின் மனைவி, மகள்கள், நடிகர் பூச்சி முருகன், நடிகர் தாமு உள்ளிட்ட பலர் கலந்து கொண்டனர். தொடர்ந்து மேடையில் வைக்கப்பட்டிருந்த நடிகர் விவேக்கின் படத்திற்கு ஏராளமானோர் மலர் தூவி மரியாதை செலுத்தினர்.

English summary

Medical and People's Welfare Minister Ma Subramanian unveiled the name plate renamed as "chinna kalaivanar Vivek Road" at a function in Chennai today.