அட சும்மா இருங்கப்பா.. ஸ்டாலின் அண்ணாச்சிக்கி அழகிரின்ற பெயரே ஆகாது.. ராஜேந்திர பாலாஜி கிண்டல்
சென்னை: திமுக தலைவர் முக ஸ்டாலினின் சகோதரர் முக அழகிரி, தமிழக காங்கிரஸ் தலைவர் கே எஸ் அழகிரி ஆகியோரின் பெயர் ஒற்றுமையை பயன்படுத்தி அமைச்சர் ராஜேந்திர பாலாஜி முக ஸ்டாலினை மறைமுகமாக கிண்டல் செய்துள்ளார்.
உள்ளாட்சி தேர்தலில் சீட் ஒதுக்கீடு பிரச்சினையில் திமுகவை விமர்சித்து தமிழக காங்கிரஸ் தலைவர் கே எஸ் அழகிரி அறிக்கை வெளியிட்டார். அதில் திமுக கூட்டணி தர்மத்தை மீறிவிட்டதாக அழகிரி குறிப்பிட்டிருந்தார்.
இது திமுக நிர்வாகிகளுக்கும் ஸ்டாலினுக்கும் கோபத்தை உண்டாக்கியது.
சமாதானம்
இதையடுத்து தான் என்ன பேசினார் என்பது குறித்து டெல்லியில் நேரில் சென்று அழகிரி விளக்கமளித்தார். எனினும் திமுக சமாதானம் ஆகவில்லை. இந்த நிலையில் நேர்று திமுக தலைவர் முக ஸ்டாலினை தமிழக காங்கிரஸ் தலைவர் கே எஸ் அழகிரி நேரில் சந்தித்தார்.
முற்றுப்புள்ளி
இந்த சந்திப்பு குறித்து கே எஸ் அழகிரி கூறுகையில் எங்கள் கூட்டணியில் பிளவு ஏதும் இல்லை. திமுக- காங்கிரஸ் கூட்டணியில் அனைத்து பிரச்சினைகளுக்கும் முற்றுப்புள்ளி வைத்து பேசியுள்ளோம்.
பிரச்சினை
இனி கருத்து வேறுபாடுகள் எழுந்தால் நானும் ஸ்டாலினும் பேசி தீர்த்து கொள்கிறோம். மற்றவர்கள் பேச வேண்டாம் என்றார் அழகிரி. திமுக- காங்கிரஸ் கூட்டணிக்கு எதிராக துரைமுருகனும் டி ஆர் பாலும் கருத்து தெரிவித்த நிலையில் இந்த பிரச்சினை பெரிதாகும் என எதிர்பார்க்கப்பட்டது.
பாலாஜி கிண்டல்
ஆனால் ஸ்டாலினும் தர்பார் படம் குறித்து அழகிரியிடம் பேசி கலகலப்பை உண்டு செய்துவிட்டார். எனவே ஆல் இஸ் வெல்லாக அனைத்தும் சுபமாக முடிந்தது. இதை அமைச்சர் ராஜேந்திர பாலாஜி கிண்டல் செய்துள்ளார்.
|
ராஜேந்திர பாலாஜி கிண்டல்
அவர் கூறுகையில் தனது ட்விட்டரில் முக அழகிரி, கே எஸ் அழகிரியை ஒப்பிட்டு கிண்டலாக பதிவு செய்துள்ளார். அவர் தனது ட்விட்டரில் கூறுகையில் "அட சும்மா இருங்கப்பா.. ஸ்டாலின் அண்ணாச்சிக்கி அழகிரி என்ற பெயர் ஆகவே ஆகாதப்பா.. அது மதுரை என்றாலும் சரி, கடலூர் என்றாலும் சரி..." என்றார்.
Click it and Unblock the Notifications
Sign in with Google