முதல்வர் ஸ்டாலினின் சகோதரர் மு.க.தமிழரசு மருத்துவமனையில் அனுமதி

சென்னை: முதல்வர் ஸ்டாலினின் சகோதரர் முக. தமிழரசு, சென்னை கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டிருப்பதாக தகவல்கள் வெளியாகியுள்ளன.

தலைச்சுற்றல் மற்றும் மயக்கம் காரணமாக அவர் சிகிச்சையில் உள்ளார். இவர் கடந்த ஜனவரி மாதத்தில் உடல்நல குறைவால் மருத்துவமனையில் சிகிச்சை பெற்று வீடு திரும்பினார். இந்நிலையி தற்போது மீண்டும் மருத்துவமனையில் அனுமதிக்கப்பட்டிருக்கிறார்.

மறைந்த முன்னாள் முதலமைச்சர் கருணாநிதியின் மகனும், முதலமைச்சர் மு.க.ஸ்டாலினின் சகோதரருமானவர் மு.க.தமிழரசு. இவர் திமுகவில் எந்த பொறுப்பிலும் இல்லை. கடந்த தேர்தலில் போது உதயநிதி ஸ்டாலினுக்காக பிரச்சாரத்தில் ஈடுபட்டார். நாடாளுமன்றத் தேர்தலின்போது தயாநிதி மாறனுக்காக வாக்கு சேகரிக்கும் பணியில் ஈடுபட்டார்.

முக தமிழரசின் மகன் தான் நடிகர் அருள்நிதி. சென்னையில் வசித்து வரும் மு.க.தமிழரசுக்கு கடந்த ஜனவரி 29 ஆம் தேதி காலை திடீரென உடல்நலக் குறைவு ஏற்பட்டது. இதைத்தொடர்ந்து உடனடியாக அமைந்தகரையில் உள்ள எம்ஜிஎம் மருத்துவமனையில் சிகிச்சைக்காக அனுமதிப்பட்டார். முதல்வர் ஸ்டாலின் நேரில் சந்தித்துப் பேசினார். உறவினர்களும், குடும்பத்தினரும் சந்தித்து நலம் விசாரித்தனர்.

இந்நிலையில், மீண்டும் உடல் நலக் குறைவு காரணமாக மு.க. தமிழரசு, சென்னை கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டிருப்பதாக தகவல்கள் வெளியாகியுள்ளன. தலைச்சுற்றல் மற்றும் மயக்கம் காரணமாக அவர் சிகிச்சையில் உள்ளார்.