மாணவியின் மருத்துவ படிப்புக்கு ஒரு மாத சம்பளத்தை அப்படியே வழங்கிய எம்எல்ஏ பிரபாகர் ராஜா
சென்னை: மருத்துவம் படிக்கும் மாணவிக்கு ஒரு மாத சம்பளத்தை அப்படியே வழங்கி உள்ளார் விருகம்பாக்கம் தொகுதி திமுக எம்எல்ஏ பிரபாகர் ராஜா.
விருகம்பாக்கம் தொகுதி திமுக எம்எல்ஏ பிரபாகர் ராஜாவிடம் மருத்துவம் படித்து வரும் மாணவி ஜனனி. தனது கல்வி கட்டணம் செலுத்த உதவி செய்யும்படி வேண்டுகோள் விடுத்தார்.
இதையடுத்து மருத்துவம் படிக்கும் மாணவிக்கு ஒரு மாத சம்பளத்தை அப்படியே வழங்கி உள்ளார் எம்எல்ஏ பிரபாகர் ராஜா. இது தொடர்பாக அவர் வெளியிட்டுள்ள பதிவில், "இம்மாதம் என் சட்டமன்ற உறுப்பினருக்கான மாத ஊதியம் ரூபாய் 1,05,000 (ஒரு லட்சத்தி 5ஆயிரம் ரூபாய்) நம் தொகுதிக்குட்பட்ட சகோதரி K. ஜனனி அவர்கள் என்னிடத்தில் கேட்டுக்கொண்டதற்கிணங்க அவர் மருத்துவப் படிப்பிற்காக இம்மாத ஊதியத்தை வழங்கினேன்.
மருத்துவம் பயின்று டாக்டர் பட்டம் பெற்று மக்கள் பணியாற்ற சகோதரிக்கு இத்தருணத்தில் வாழ்த்து தெரிவித்துக் கொள்கிறேன்." இவ்வாறு கூறியுள்ளார். எம்எல்ஏ பிரபாகர் ராஜாவின் செயலை பலரும் பாராட்டி உள்ளார்கள்.
Click it and Unblock the Notifications
Sign in with Google