குமரியார் பெண் என் மகள் போல.. வாழ்த்தினார் கலைஞர்.. நானும் வாழ்த்துகிறேன்.. கனிமொழி பலே!

கனிமொழி எம்பி தமிழிசை சவுந்தராஜனுக்கு வாழ்த்து தெரிவித்துள்ளார்.

Updated: Wednesday, April 3, 2019, 16:07 [IST]

Subscribe to Oneindia Tamil

Recommended Video

இந்த தேர்தலில் செம போட்டி இருக்கும் போலயே!

சென்னை: "குமரியார் மகள் என் மகள் போல.. எப்பவுமே அவர் நல்லா இருக்கணும் என்று வாழ்த்தியவர் கலைஞர்.. அதுபோல தமிழிசைக்கு என் வாழ்த்துக்கள் என்றும் உண்டு" என்று கனிமொழி எம்பி மனசார தெரிவித்துள்ளார்.

மறைந்த திமுக தலைவர் மீது தமிழக பாஜக தலைவர் தமிழிசை சவுந்தராஜனுக்கு எப்போதுமே பிரியம். அதுபோலவே, கருணாநிதிக்கும் தமிழிசை மீது தனிப்பட்ட பாசம் உண்டு.

இத்தனை வருட காலம் மாநில பாஜக தலைவராக இருந்தபோதும், யாரையுமே மரியாதை குறைவாகவும், தரக்குறைவான வார்த்தைகளால் விமர்சிக்காமல் கண்ணியத்தோடு பேசி வருபவர் தமிழிசை சவுந்தராஜன். அவரது பெற்றோர் தமிழிசையை வளர்த்த விதம் அப்படி!

அடிப்படை குணம்

அதனால்தான் ஒருமுறை கருணாநிதி, "குமரியார் மகள் அரசியல் நாகரீகத்துடன் இருப்பார்" என்றும் "மக்கள் விரோத கட்சியிலே அங்கம் வகித்தாலும் அவரது அடிப்படை குணம் ஒருபோதும் மாறாது" என்றும் பாராட்டினார்.

ஸ்டெர்லைட் மற்றும் திருமிகு.தமிழிசை சவுந்தரராஜன் பற்றிய கேள்விகளுக்கு என்னுடைய பதில்.#AskKanimozhi Part II " pic.twitter.com/8J2koKfHWX
— Kanimozhi (கனிமொழி) (@KanimozhiDMK) April 2, 2019

ட்விட்டர் பதிவு

இந்நிலையில், தமிழிசையும், கனிமொழி எம்பியும் ஒரே தொகுதியில் போட்டியிடுகிறார்கள். 2 தினங்களுக்கு முன்பு, தொகுதி மக்கள் கேட்க விரும்பும் கேள்விகளை #AskKanimozhi என்ற ஹேஷ்டேக்கில் கேட்கலாம் என கனிமொழி ட்விட்டரில் பதிவிட்டிருந்தார். அதற்கு கனிமொழி வீடியோ மூலமாக பதிலளித்து இருந்தார்.

தமிழிசை பற்றி?

அதில் ஒரு கேள்வி, "தமிழிசை பற்றி என்ன நினைக்கிறீர்கள்" என்பது கேள்வி. அதற்கு கனிமொழி, "தமிழக பாஜக தலைவராக அன்று தமிழிசை அறிவிக்கப்பட்டபோது கலைஞரை சந்தித்து ஆசி பெற வேண்டும் என்று ஆசைப்பட்டார். அதற்கு கலைஞர், குமரி அனந்தனின் மகள் என் மகளை போன்றவர். அவர் அரசியலில் வர வேண்டும்.. அதற்கு என் வாழ்த்துக்கள் எப்போதுமே உண்டு என்று சொன்னார்.

வாழ்த்துக்கள்

அது போல கலைஞரின் மகளாக என் சார்பில் எப்போதுமே அவருக்கு வாழ்த்துக்கள் உண்டு. புதிதாக இப்போதுதான் இந்த தூத்துக்குடி தொகுதிக்கு அவர் வந்திருக்கிறார். இந்த ஊரைப் பற்றி அவர் இன்னும் நன்றாக தெரிந்து கொள்ள வேண்டும் என்று நான் விரும்புகிறேன்" என்றார்.