உலக பாலிட்டிக்ஸ் ஓஞ்சாலும் கூட.....வழிகாட்டு குழுவில் திண்டுக்கல் சீனிக்கு இடம்-நத்தம் புறக்கணிப்பு!

Updated: Wednesday, October 7, 2020, 17:02 [IST]

Subscribe to Oneindia Tamil

சென்னை: அதிமுகவில் வழிகாட்டுதல் குழுவில் திண்டுக்கல் மாவட்டத்தைச் சேர்ந்த அமைச்சர் சீனிவாசனுக்கு இடம் கிடைத்திருக்கிறது; ஆனால் மாஜி அமைச்சர் நத்தம் விஸ்வநாதனுக்கு இடம் கிடைக்காதது புகைச்சலை தந்திருக்கிறது.

அதிமுகவில் அக்கப்போரை முடிவு கட்டத்தான் முதல்வர் வேட்பாளர், வழிகாட்டுதல் குழு எல்லாம் அமைக்கப்பட்டிருக்கிறது. இப்போது வழிகாட்டுதல் குழுவை முன்ன்வைத்து அடுத்த ஆட்டம் தொடங்கி இருக்கிறது.

அதிமுக வழிகாட்டும் குழு

அதிமுக வழிகாட்டுதல் குழுவில் ஈபிஎஸ் அணியின் 6 பேரும் ஓபிஎஸ் அணியின் 5 பேரும் இடம்பெற்றுள்ளனர். ஓபிஎஸ் அணியில் இருந்துவந்த மாஜி அமைச்சர் நத்தம் விஸ்வநாதன், திண்டுக்கல் கிழக்கு மாவட்ட செயலாளராக்கப்பட்டார். இதனால் அவர் எடப்பாடி அணிக்கு தாவினார்.

ஈபிஸ் அணியில் நத்தம்

அண்மையில் ஈபிஎஸ்- ஓபிஎஸ் மோதல் வெடித்த போது, எடப்பாடியாரை நேரில் சந்தித்து ஆதரவு தெரிவித்தார் நத்தம். அங்கு பேச்சுவார்த்தை நடத்திவிட்டுத்தான் பின்னர் ஓபிஎஸ் இல்லத்துக்கே வந்தார் நத்தம். இதேபோல பலரும் ஓபிஎஸ் அணிக்கு குட்பை சொல்லிவிட்டு சென்றுவிட்டனர்.

பரிதாபத்தில் அன்று நத்தம்

நத்தம் விஸ்வநாதனுக்கு மாவட்ட செயலாளர் பதவி கொடுத்து அவருக்கு அரசியலில் 2-வது அத்தியாயத்தை தொடங்கி வைக்கப்பட்டிருக்கிறது. அதுவரை திண்டுக்கல் அதிமுகவில் சீந்துவார் இல்லாதவராக ஓரம்கட்டப்பட்டுக் கிடந்தார் நத்தம். அவரது பிறந்த நாளுக்கு கூட போஸ்டர் ஒட்ட ஆள் இல்லாத பரிதாப நிலைமை இருந்தது.

நத்தத்துக்கு ஆதரவு அதிகம்

இப்போது எல்லாமே தலைகீழ்.. திண்டுக்கல் மேற்கு மாவட்டத்துக்கு சீனிவாசன் என்றால் கிழக்கு மாவட்டத்துக்கு நத்தம்.. திண்டுக்கல் மாவட்டங்கள் அரசியலில் நத்தம் விஸ்வநாதனின் ஆதரவாளர்கள் திடீரென மீண்டும் விஸ்வரூபம் எடுத்துவிட்டனர். இன்னமும் சொல்லப்போனால் ஆதரவாளர்கள் எண்ணிக்கையில் நத்தம் விஸ்வநாதனுக்குத்தான் இப்போது அதிக ஆதரவு.

ஜெயித்த சீனிவாசன்

இந்நிலையில் அதிமுகவின் வழிகாட்டுதல் குழுவில் எப்படியோ திண்டுக்கல் சீனிவாசனுக்கு இடம் கிடைத்துவிட்டது. அங்கிட்டும் இங்கிட்டுமாக மோதிப் பார்த்த நத்தம் விஸ்வநாதன் திராட்டில்விடப்பட்டிருக்கிறார். இதனை திண்டுக்கல் சீனிவாசன் தரப்பு உள்ளூர பார்த்து அகமகிழ்ந்து கொண்டிருக்கிறது என்கின்றன திண்டுக்கல் அதிமுக வட்டாரங்கள்.