மகாபிரபு நீங்களுமா அக்கா? வானதி சீனிவாசன் பகிர்ந்த லியோ போட்டோ- எப்படி எல்லாம் ரியாக்ஷன் தெரியுமா?
சென்னை: நடிகர் விஜய் நடிப்பில் உருவாகியுள்ள லியோ திரைப்படத்தின் டிரைலரை டிவியில் பார்ப்பது போல பாஜக மகளிர் அணி தலைவரும் எம்.எல்.ஏ.வுமான வானதி சீனிவாசன் பகிர்ந்த ஒரு போட்டோவை முன்வைத்து சமூக வலைதளங்களில் 'பொங்கல்' வைத்து கொண்டிருக்கின்றனர் பாஜகவினர்.
இயக்குநர் லோகேஷ் கனகராஜ் இயக்கத்தில் விஜய் படித்த லியோ பட டிரைலர் நேற்று மாலை வெளியிடப்பட்டது. இதில் விஜய் கெட்டவார்த்தை பேசும் காட்சியும் அப்படியே இடம்பெற்றுள்ளது. டிரைலரை பார்க்க சென்னை ரோகிணி தியேட்டருக்கு போன ரசிகர்கள் 400 இருக்கைகளை உருக்குலைத்து வெறியாட்டம் போட்டுவிட்டு வெளியேறியது பெரும் அதிர்ச்சியை ஏற்படுத்தியது.
இந்த களேபரங்களுக்கு மத்தியில் பாஜக எம்.எல்.ஏ.வானதி சீனிவாசன் தமது ஃபேஸ்புக், எக்ஸ் பக்கங்களில் #LeoTrailer @ Home என்ற கேப்சனுடன் ஒரு படத்தைப் பகிர்ந்திருந்தார். அப்போட்டோவில் லியோ டிரைலரை வீட்டில் அமர்ந்து டிவியில் பார்த்து கொண்டிருக்கிறார் வானதி சீனிவாசன் எம்.எல்.ஏ. இந்த ஒரு போட்டோவுக்குதான் அத்தனை 'பொங்கல்' வைக்கப்பட்டு வருகிறது சமூக வலைதளங்களில்.
வானதி சீனிவாசன் எம்.எல்.ஏ.வின் அதிகாரப்பூர்வ ஃபேஸ்புக் பக்கத்தில் பகிரக் கூடிய அளவிலான சிலரது கருத்துகள்:
Jeyakumar Srinivasan: தலைவர் அண்ணாமலையின் என் மண் என் மக்கள் நடைப்பயண ஒளிக்காட்சியை இப்படி பார்த்து படம் எடுத்து பதிந்தால் இன்னும் பலரை சென்று சேரும்.
T Arumugakani: கொஞ்சம் அரசியல்வாதியாக மாறுங்கள்.
Rajan Praba : உண்மையான தொண்டர்களை வெறுப்பு ஏற்றுகிறார்.
Raja Soman: இது ரொம்ப முக்கியம் அக்கா.
Sivaji K: வருங்கால முதல்வர் அண்ணாமலை அவர்களின் உண்மையை விசுவாசி வானதி அவர்கள் தற்சமயாக விளையாட்டாக டிவி பார்த்து உள்ளார் இது பெரிதாக எடுக்க வேண்டாம்
Mohanraj Rangasamy: அக்கா இது என்ன லியோ படத்திற்கு இலவச விளம்பரமா.
மக்கள் பணியின் பொறுப்பில் இருக்கும் நாம் இதை தவிர்க்கலாம்
Rafeek Yas: மகாபிரபு நீங்களுமா அக்கா என்னால நம்ப முடியல அக்கா
Rahumon Rajendran: பாரதமே போற்றும் பாரதிய ஜனதா கட்சியின் தேசிய மகளிர் அணி தலைவியின் தற்போதைய நிலை! Movie promotion
Ram Chandran: தலைவர் அண்ணாமலை உடைய என் மண் என் மக்கள் அதை பகிரலாமே..
Click it and Unblock the Notifications
Sign in with Google