மோடி வருகை.. இந்த முறை வெறும் கோ பேக் மோடி கிடையாது.. அதுக்கும் மேல்.. நெட்டிசன்ஸ் அலும்பல்!
பிரதமர் மோடி தமிழகம் வருவதை அடுத்து அவருக்கு எதிராக டிவிட்டரில் மீண்டும் தமிழக மக்கள் கருத்து தெரிவித்து வருகிறார்கள்.
Recommended Video
சென்னை: பிரதமர் மோடி தமிழகம் வருவதை அடுத்து அவருக்கு எதிராக டிவிட்டரில் மீண்டும் தமிழக மக்கள் கருத்து தெரிவித்து வருகிறார்கள். ஆனால் இந்த முறை கோ பேக் மோடிக்கு ( #GoBackModi) பதில் வேறு ஒரு டேக் வைரலாகி வருகிறது.
சென்னையில் நடைபெற உள்ள பாஜகவின் மாபெரும் பிரச்சார பொதுக்கூட்டத்தில் கலந்து கொள்வதற்காக பிரதமர் மோடி இன்று சென்னை வர உள்ளார். சென்னையில் வண்டலூர் அருகே உள்ள கிளாம்பாக்கத்தில் இந்த பொதுக்கூட்டம் நடைபெற இருக்கிறது.
இந்த கூட்டம் மாலை 3.30 மணிக்கு தொடங்கும். பிரதமர் மோடி 4 மணிக்கு இதில் கலந்து கொள்வார். இதில் பாஜகவுடன் தமிழக கூட்டணி கட்சிகளும் மேடை ஏற இருக்கிறது.
மோடி தமிழகம்
பொதுவாக பிரதமர் மோடி தமிழகம் வரும் போது கோ பேக் மோடி #GoBackModi என்ற டேக் டிரெண்டாவது வழக்கம். தமிழர்கள் இதை ஒரு வழக்கமாக, குட் மார்னிங் சொல்வது போல மோடி வரும் போது சொல்வார்கள். டிவிட்டரில் #GoBackModi டிரெண்டானால், கண்டிப்பாக மோடி தமிழகத்தில் இருக்கிறார் என்று கண்டுபிடித்து விடலாம்.
நான்கு முறை
இதற்கு முன் நான்கு முறை இந்த டேக் வைரலானது. பிரதமர் மோடி சென்னை வந்த போது - உலக அளவில் நீண்ட நேரம் டிரெண்ட், நம்பர் 1 இடம் பிடித்தது. பிரதமர் மோடி மதுரை வந்த போது - உலக அளவில் டிரெண்ட், நம்பர் 3 இடம் பிடித்தது. பிரதமர் மோடி திருப்பூர் வந்த போது - உலக அளவில் டிரெண்ட், மீண்டும் நம்பர் 1 இடம் பிடித்தது. பிரதமர் மோடி கன்னியாகுமரி வந்த போது - தேசிய அளவில் டிரெண்ட், மீண்டும் நம்பர் 1 இடம் பிடித்தது
வைரலாகிறது
ஆனால் இந்த முறை #GoBackModi க்கு பதில் #GoBackSadistModi வைரலாகிக் கொண்டு இருக்கிறது. தேசிய அளவில் இந்த டேக் தற்போது முதலிடம் பிடித்து இருக்கிறது. #GoBackModi டேக்கை விட #GoBackSadistModi டேக்கில் அதிக டிவிட்டுகள் போடப்பட்டதால் இது இந்தியாவில் முதலிடம் பிடித்து இருக்கிறது.
என்ன காரணம்
#GoBackModi க்கு எப்படி திமுகவின் கருப்பு கொடி போராட்டம் ஒரு விதையோ அதே போல்தான் #GoBackSadistModi க்கு திமுக தலைவர் ஸ்டாலின்தான் விதை போட்டது. பிரதமர் மோடியை முதன்முதலில் திமுக கூட்டத்தில் ஸ்டாலின்தான் சாடிஸ்ட் என்று கூறினார். தற்போது அதே வார்த்தை வைரலாகி வருகிறது.
Click it and Unblock the Notifications
Sign in with Google