JanaNayagan: இதுக்கு திமுக அரசே பெட்டர்ல.. ஜனநாயகன் இசை வெளியீட்டு விழா.. விஜய்க்கு கண்டிஷன் போட்ட மலேசிய அரசு

சென்னை: ஜனநாயகன் இசை வெளியீட்டு விழாவில் யாரும் அரசியல் பேசக் கூடாது, மீறினால் கடும் நடவடிக்கை எடுக்கப்படும் என மலேசிய அரசு தரப்பு நிபந்தனைகளை விதித்துள்ளது.

எச்.வினோத் இயக்கத்தில் உருவாகியுள்ள விஜய்யின் "ஜனநாயகன்" வரும் ஜனவரி 9ஆம் தேதி ரிலீஸாகிறது. இந்த படம்தான் விஜய்யின் கடைசி படம் என சொல்லப்பட்டுள்ளது.

இதனால் இந்த படத்திற்கு எதிர்பார்ப்புகள் அதிகமாகியுள்ளன. இந்த படத்தின் புரமோஷன் பணிகள் தொடங்கியுள்ளன. இந்த நிலையில் வரும் 27ஆம் தேதி இந்த படத்தின் இசை வெளியீட்டு விழா மலேசியாவில் நடைபெறுகிறது.

இதையொட்டி மலேசிய அரசு அந்த படக் குழுவினருக்கு ஒரு முக்கியமான நிபந்தனையை போட்டுள்ளது. அதாவது இசை வெளியீட்டு விழாவில் முழுக்க முழுக்க சினிமா சார்ந்த பொழுதுபோக்கு நிகழ்ச்சியாக மட்டுமே இருக்க வேண்டும்.

யாரும் அரசியல் பேசக் கூடாது. ரசிகர்கள் கட்சிக் கொடி, டீசர்ட், கட்சி துண்டு அணிந்து வரக் கூடாது. மீறினால் கடும் நடவடிக்கை எடுக்கப்படும்.

அடுத்த ஆண்டு ஏப்ரலில் தமிழக சட்டசபைத் தேர்தல் நடைபெறுகிறது. இந்த தேர்தலையொட்டி ஜனநாயகன் இசை வெளியீட்டு விழாவில் விஜய் அரசியல் பேசுவார் என ரசிகர்கள் எதிர்பார்த்தனர்.

ஆனால் தற்போது மலேசிய அரசு அரசியல் பேசக் கூடாது என நிபந்தனை போட்டுள்ளது ரசிகர்களிடையே ஏமாற்றத்தை தந்துள்ளது. இந்த படத்தில் இயக்குநர்கள் லோகேஷ் கனகராஜ், நெல்சன், அட்லீ ஆகியோர் கேமியோ ரோல் செய்திருக்கிறார்களாம். அது போல் தமிழக வெற்றிக் கழகத்தின் செயலாளரான புஸ்ஸி ஆனந்தும் ஒரு சிறு ரோலில் நடித்துள்ளதாக சொல்லப்படுகிறது.