தங்கம், வெள்ளியை விடுங்க.. 2026ல் அதிக லாபம் தரக்கூடியது இந்த ஒரு விஷயம்தான்.. வல்லுநர்கள் சர்ப்ரைஸ்
சென்னை: இந்தியப் பங்குச் சந்தை கடந்த ஒன்றரை ஆண்டுகளாக ஒரு வலிமையான அடித்தளத்தை கட்டி வருவதாக சந்தை வல்லுநர்கள் தெரிவிக்கின்றனர். அதாவது தங்கம், வெள்ளியை விட அதிகம் கவனிக்க வேண்டிய, அதிகம் லாபம் தர வாய்ப்பு உள்ள 2025ஆம் ஆண்டில், நிஃப்டி 50 குறியீடு 10% லாபத்தையும், சென்செக்ஸ் 8% வளர்ச்சியையும் பதிவு செய்தன.
2025ஆம் ஆண்டு தங்கம் மற்றும் வெள்ளியின் ஆண்டாகவே அமைந்தது. பாதுகாப்பு முதலீடுகள், மத்திய வங்கிகளின் கணிசமான கொள்முதல் மற்றும் தொழில் துறை விநியோக தேவை ஆகியவற்றால் இவ்விரு உலோகங்களும் அபார லாபத்தை ஈட்டின. தங்கம் 66% உயர்ந்து ஒரு அவுன்ஸ் 4,500 அமெரிக்க டாலர்களைத் தாண்டியது; வெள்ளி 171% லாபம் ஈட்டியது.
மத்திய பட்ஜெட் இந்தியப் பங்குச் சந்தை
வரும் 2026ஆம் ஆண்டுக்கான மத்திய பட்ஜெட் இந்தியப் பங்குச் சந்தையை புதிய உச்சங்களுக்குக் கொண்டு செல்லும் முக்கிய காரணியாக அமையும் என வல்லுநர்கள் மதிப்பிடுகின்றனர். கடந்த பட்ஜெட் தினத்தில், சென்செக்ஸ் வரிச்சலுகை அறிவிப்புகளுக்குப் பிறகு 300 புள்ளிகளுக்கு மேல் உயர்ந்தாலும், பின்னர் 130 புள்ளிகள் சரிந்தது.
நிஃப்டி 50 குறியீடும் அன்று உயர்ந்து இறங்கியது; இது பட்ஜெட் முன்மொழிவுகளுக்குச் சந்தையின் கலவையான எதிர்வினையைக் காட்டியது. நிதி அறிவிப்புகள் வரவிருக்கும் பங்குச் சந்தையின் திசையைத் தீர்மானிக்கும் என எதிர்பார்க்கப்படுகிறது.
இது தொடர்பாக பங்கு சந்தை நிபுணர்கள், மத்திய பட்ஜெட்டுக்கு முன்பாகவே நிஃப்டி 28,100 புள்ளிகளை எட்டும் என்று கணித்துள்ளார். நீண்டகாலப் பார்வை கொண்ட முதலீட்டாளர்களுக்கு ஒரு சிறப்பான ஆண்டு காத்திருக்கிறது.
இந்தியப் பங்குச் சந்தை கடந்த ஒன்றரை ஆண்டுகளாக ஒரு அடித்தளத்தை கட்டமைத்து வருகிறது. நீண்டகாலப் பார்வையுடன் கூடிய பங்கு முதலீட்டாளர்களுக்கு இது ஒரு அற்புதமான ஆண்டாக இருக்கும் என நாங்கள் எதிர்பார்க்கிறோம். இது வெளிநாட்டு நிறுவன முதலீட்டாளர்களால் அல்லாமல், உள்நாட்டு நிறுவன முதலீட்டாளர்களால் இயக்கப்படும்.
வரவிருக்கும் மத்திய பட்ஜெட் 2026 மிக முக்கியமானது. எவ்வாறாயினும், மத்திய பட்ஜெட்டுக்கு முன்பாக நிஃப்டி 50 குறியீடு 28,100 புள்ளிகளைத் தொடும். 2026ஆம் ஆண்டில் நுகர்பொருட்கள், ஆட்டோமொபைல், ரியல் எஸ்டேட், எலெக்ட்ரானிக்ஸ் போன்ற நுகர்வோர் மையப்படுத்தப்பட்ட துறைகளில் கவனம் செலுத்த வேண்டும்.
பட்ஜெட் மூலம் உயரும் பொருளாதாரம்
மத்திய பட்ஜெட்டில் நுகர்வோர் சார்ந்த திட்டங்கள் இருந்தால், நிஃப்டி 50 குறியீடு 32,000 புள்ளிகளை அடையலாம்.. செலவழிக்கக்கூடிய வருமானம் அதிகரிப்பு, கிராமப்புற தேவை மேம்பாடு மற்றும் கொள்கை ஆதரவால் நுகர்வு சார்ந்த துறைகள் வளர்ச்சிக்கு முக்கிய உந்துசக்தியாகத் திகழ்வதாக ஸ்ரீவஸ்தவா குறிப்பிட்டார். பயணிகள் வாகனங்கள், எஸ்யுவிகள் மற்றும் கிராமப்புறப் பிரிவு மீட்சியால் யூனோ மிந்தா, டாடா மோட்டார்ஸ் வர்த்தக வாகனங்கள், மஹிந்திரா & மஹிந்திரா போன்ற ஆட்டோமொபைல் மற்றும் விருப்பச் செலவினப் பங்குகள் 2026இல் லாபம் பெறும்.
ஹிந்துஸ்தான் யூனிலீவர் மற்றும் பிரிட்டானியா போன்ற எஃப்.எம்.சி.ஜி தலைவர்கள் நிலையான வருவாய் மற்றும் நிலையற்ற சந்தை நிலவரங்களில் தற்காப்புத் திறனை வழங்குகின்றன. இது முதலீட்டாளர்களுக்கு ஒரு பாதுகாப்பான தேர்வாக அமைகிறது.
மேலும், உட்கட்டமைப்பு, பாதுகாப்பு, மூலதனப் பொருள் துறைகளான பி.இ.எல், ஜே.எஸ்.டபிள்யூ இன்ஃப்ரா, லார்சன் அண்ட் டூப்ரோ போன்றவை வலுவான ஆர்டர் புத்தகங்கள் மற்றும் நீண்டகாலச் செயல்பாடு கொண்டவை என்று சந்தை வல்லுநர்கள் தெரிவித்துள்ளனர்.
Click it and Unblock the Notifications
Sign in with Google