நடிகர் விஜய்யின் 63-வது படத்தின் படப்பிடிப்பில் விபத்து... லைட் கீழே விழுந்து பணியாளர் படுகாயம்
சென்னை: நடிகர் விஜய்யின் 63-வது படத்தின் படப்பிடிப்பில் ஃபோக்கஸ் லைட் கீழே விழுந்து விபத்துக்குள்ளானதில் மின் பணியாளர் படுகாயம் அடைந்தார்.
நடிகர் விஜய், அட்லி இயக்கத்தில் தனது 63 படத்தில் நடித்து வருகிறார். இதில் கால்பந்து விளையாட்டு பயிற்சியாளராக விஜய் நடித்து வருகிறார். இந்த படத்தில் விஜய் உடன் நயன்தாரா, கதிர், யோகிபாபு, இந்துஜா உள்பட பலர் நடித்து வருகிறார்கள்.
இந்த படத்தின் படப்பிடிப்பு சென்னை நசரத்பேட்டையில் உள்ள ஈவிபி பிலம் சிட்டியில் நடந்து வந்தது. இந்த படத்தில் நடித்த துணை நடிகை அட்லீ தன்னை தாக்கியதாக புகார் அளித்து பரபரப்பை ஏற்படுத்தினார்.
இந்நிலையில் விஜய் 63 படத்தின் படப்பிடிப்பில் விபத்து நடந்துள்ளதாக தகவல் வெளியாகி உள்ளது. படப்பிடிப்பு நடந்த இடத்தில் 100 அடிக்கு மேல் வைக்கப்பட்டிருந்த ஃபோக்கஸ் லைட் கீழே விழுந்து விபத்துக்குள்ளாகி உள்ளது.
இந்த ஃபோக்கஸ் லைட் தவறி விழுந்ததில் கீழே நின்று கொண்டிருந்த மின் பணியாளர் செல்வராஜ் என்பவர் படுகாயம் அடைந்தார். அவரை படக்குழுவினர் தனியார் மருத்துவமனையில் சிகிச்சைக்காக அனுமதித்துள்ளனர். விஜய் 63 படத்தில் விபத்து ஏற்பட்ட சம்பவம் விஜய் ரசிகர்கள் மத்தியில் அதிர்ச்சியை ஏற்படுத்தி உள்ளது.
Click it and Unblock the Notifications
Sign in with Google