தை முடிவதற்குள்.. இன்னும் 2 நாட்களில் சென்னையில் நடக்கும் சந்திப்பு.. ஓபிஎஸ் வெளியிட்ட அறிவிப்பு!

Updated: Friday, January 23, 2026, 11:38 [IST]

Subscribe to Oneindia Tamil

சென்னை: சட்டசபைத் தேர்தலில் யாருடன் கூட்டணி என்பது குறித்து தை முடிவதற்குள் முடிவு எடுத்து அரிவிப்பேன் என்று முன்னாள் முதல்வர் ஓ.பன்னீர்செல்வம் தெரிவித்துள்ளார். இன்னும் 2 நாட்ஜ்களில் சென்னையில் மாவட்டச் செயலாளர்களுடன் ஆலோசனை நடத்தப்படும் என்று கூறிய ஓபிஎஸ், அந்த ஆலோசனைக் கூட்டத்திற்கு பின் எனது முடிவை சென்னையில் அறிவிப்பேன் என்றும் கூறியுள்ளார்.

சட்டசபைத் தேர்தல் நெருங்கிவிட்ட சூழலில், அதிமுக மற்றும் திமுக ஆகிய இரு கூட்டணி கிட்டத்தட்ட இறுதியாகிவிட்டது. அதிமுக தலைமையிலான என்டிஏ கூட்டணியில் பாமக, அமமுக, தமாகா, புரட்சி பாரதம், புதிய நீதிக் கட்சி, ஜான் பாண்டியன் உள்ளிட்டோர் இணைந்துள்ளனர். ஆனால் ஓபிஎஸ் மட்டும் இன்னும் என்டிஏ கூட்டணியில் சேர்க்கப்படவில்லை.

ஓபிஎஸ் உடன் இதுவரை பாஜகவின் எந்தத் தலைவர்களும் பேச்சுவார்த்தையும் நடத்தவில்லை என்று சொல்லப்படுகிறது. அமித்ஷாவை சந்தித்துவிட்டு வந்த ஓபிஎஸ், புதியக் கட்சி தொடங்கப் போவதில்லை என்று அறிவித்தார். அதன்பின் பாஜக கூட்டணியில் மீண்டும் இணைய முயற்சிகள் நடந்து வந்தது. ஆனால் ஓபிஎஸ் ஆதரவாளர்கள் பலரும் திமுக மற்றும் தவெக வசம் சென்றனர்.

மருது அழகுராஜ், சுப்புரத்தினம், மனோஜ் பாண்டியன், வைத்திலிங்கம் ஆகியோர் திமுகவில் இணைந்துவிட்டனர். ஜேசிடி பிரபாகரன் மற்றும் செங்கோட்டையன் உள்ளிட்டோர் தவெகவில் இணைந்துவிட்டனர். இதனால் ஓபிஎஸ் தனித்துவிடப்பட்டுள்ளதாக பார்க்கப்படுகிறது. இதனால் ஓபிஎஸ் என்ன முடிவு எடுப்பார் என்ற கேள்வி எழுந்துள்ளது.

ஏற்கனவே திமுக பக்கம் ஓபிஎஸ் செல்லவுள்ளதாக சில விவாதங்கள் நடந்து வருகிறது. அதேபோல் விஜய்யுடன் பேசி வருவதாகவும் கூறப்படுகிறது. செங்கோட்டையன் மூலமாக ஓபிஎஸ் தரப்பை தங்கள் பக்கம் கொண்டு வர விஜய் காய் நகர்த்தி வருகிறார். அதேபோல் எடப்பாடி பழனிசாமியும் ஓபிஎஸ்ஸை கூட்டணிக்குள் கொண்டு வர இதுவரை ஒப்புதல் கொடுக்கவில்ல.

இந்த நிலையில் சென்னையில் செய்தியாளர்களை சந்தித்து ஓபிஎஸ் பேசுகையில், அடுத்தக்கட்ட நகர்வு குறித்து இன்னும் 2 நாட்களில் சென்னையில் மாவட்டச் செயலாளர்களுடன் ஆலோசிக்க உள்ளேன். தை மாதம் முடிவதற்குள் உரிய பதில் அளிப்பேன் என்று தெரிவித்துள்ளார். இதனால் ஓபிஎஸ் முடிவு என்னவாக இருக்கும் என்ற கேள்வி எழுந்துள்ளது.