சென்னையில் பெட்ரோல் விலை உயர்வு, ரூ. 80ஐ தாண்டிய டீசல் விலை
சென்னை: சென்னையில் பெட்ரோல், டீசல் விலை இன்று உயர்ந்துள்ளது.
சர்வதேச சந்தையில் கச்சா எண்ணெய்யின் விலைக்கு ஏற்ப பெட்ரோல், டீசல் விலையை எண்ணெய் நிறுவனங்கள் உயர்த்தி வருகின்றன. சென்னையில் பெட்ரோல் விலை லிட்டருக்கு 11 காசுகள் உயர்ந்து ரூ. 86.10க்கு விற்பனை செய்யப்படுகிறது.
டீசல் விலை லிட்டருக்கு 14 காசுகள் அதிகரித்து ரூ. 80.04க்கு விற்பனை செய்யப்படுகிறது. பெட்ரோல் விலை ரூ. 100-ஐ நெருங்குவதும், டீசல் விலை ரூ. 80-ஐ தாண்டியதும் வாகன ஓட்டிகளுக்கு பெரும் கவலை அளித்துள்ளது.
எதற்கெடுத்தாலும் வாகனத்தில் சென்றவர்கள் தற்போது அத்தியாசிய தேவைக்கு மட்டும் வாகனத்தை பயன்படுத்தும் நிலை வந்துவிட்டது. பெட்ரோல், டீசல் விலை உயர்வால் நடுத்தர வர்க்கத்தினர் பெரிதும் பாதிக்கப்பட்டுள்ளனர்.
பெட்ரோல், டீசல் விலையை குறைக்குமாறு மத்திய, மாநில அரசுகளுக்கு கோரிக்கை விடுத்தும் ஒன்றும் நடக்கவில்லை என்ற வேதனையில் உள்ளனர் மக்கள்.