"மகா கவிதை".. கவிஞர் வைரமுத்து எழுதிய புதிய புத்தகம்.. வெளியான சுவாரசியமான அறிமுக வீடியோ!

சென்னை: கவிஞர் வைரமுத்து மகா கவிதை என்ற பெயரில் புதிதாக புத்தகம் ஒன்றை வெளியிட உள்ளார். இது தொடர்பாக அறிமுக வீடியோ ஒன்றையும் அவர் வெளியிட்டு உள்ளார்.

கவிஞர் வைரமுத்து சினிமா பாடல்கள் தாண்டி தமிழ் இலக்கிய உலகிற்கு தொடர்ந்து பல சேவைகளை புரிந்து வருகிறார். அவர் எழுதிய நாவல்கள், நூல்கள் பல மக்களிடையே மிகப்பெரிய வரவேற்பை பெற்றுள்ளன. 1980 ஆம் ஆண்டு பாரதிராஜா இயக்கத்தில் இளையராஜா இசையில் வெளிவந்த நிழல்கள் திரைப்படத்தின் மூலம் தமிழ்த் திரையுலகில் கவிஞராக வைரமுத்து நுழைந்தார்.

அவரது 40 ஆண்டுகால சினிமா வாழ்க்கையில், அவர் 7,500க்கும் மேற்பட்ட பாடல்கள் மற்றும் கவிதைகளை எழுதியுள்ளார். இந்தியாவின் முன்னணி கவிஞர்களில் ஒருவராக வைரமுத்து உள்ளார்.

ஒரு தேசிய விருது வாங்குவதே பெரிதாக உள்ள நிலையில் வைரமுத்து இதுவரை ஏழு தேசிய விருதுகளை வென்றுள்ளார். எந்த இந்திய பாடலாசிரியருக்கும் இதுவரை கிடைக்காத கவுரவம் இது. அவர் பத்மஸ்ரீ, பத்ம பூஷன் மற்றும் சாகித்ய அகாடமி விருது ஆகிய விருதுகளையும் பெற்றுள்ளார்.

புத்தகங்கள்: இதுவரை வைரமுத்து தமிழ் மொழியில் கவிதைகள் மற்றும் நாவல்கள் அடங்கிய 37 புத்தகங்களை எழுதியுள்ளார். அவற்றில் பல ஆங்கிலம், இந்தி, மலையாளம், தெலுங்கு, கன்னடம், ரஷ்யன் மற்றும் நார்வேஜிய மொழிகளில் மொழிபெயர்க்கப்பட்டுள்ளன. பல புத்தகங்கள் தமிழ்நாட்டில் அதிக விற்பனை ஆன புத்தகங்கள் என்ற சாதனைகளை படைத்துள்ளன.

இதுவரை அவரது படைப்புகள் கிட்டத்தட்ட 3 மில்லியன் பிரதிகள் விற்கப்பட்டுள்ளன. 1991-ம் ஆண்டு, முன்னாள் முதல்வர் கருணாநிதியால் மதுரையில் ஒரே நாளில் அவரது நான்கு நூல்கள் பிரமாண்டமாக வெளியிடப்பட்டன. இந்த நிலையில்தான் கவிஞர் வைரமுத்து மகா கவிதை என்ற பெயரில் புதிதாக புத்தகம் ஒன்றை வெளியிட உள்ளார். இது தொடர்பாக அறிமுக வீடியோ ஒன்றையும் அவர் வெளியிட்டு உள்ளார்.

உலகத் தமிழ் உறவுகளே!
வணக்கம்

இளைய தலைமுறையின்
அறிவை விரிவு செய்யவும்
அகிலம் காக்கவும்
ஆகாயம் அளக்கவும்
அண்டம் கடக்கவும்
என் உயிரை
ஊற்றி ஊற்றிச் செய்த படைப்பு

ஆசை ஆசையாய்
அறிமுகம் செய்கிறேன் pic.twitter.com/3amUuhXEZ0

— வைரமுத்து (@Vairamuthu) September 1, 2023

இது பற்றி போஸ்ட் செய்துள்ள அவர், உலகத் தமிழ் உறவுகளே!
வணக்கம்

இளைய தலைமுறையின்
அறிவை விரிவு செய்யவும்
அகிலம் காக்கவும்
ஆகாயம் அளக்கவும்
அண்டம் கடக்கவும்
என் உயிரை
ஊற்றி ஊற்றிச் செய்த படைப்பு

ஆசை ஆசையாய்
அறிமுகம் செய்கிறேன், என்று கூறி உள்ளார்.

தனது புதிய புத்தகமான "மகா கவிதை" புத்தகத்திற்கான அறிமுக வீடியோவையும் இதில் வைரமுத்து இணைத்துள்ளார்.

English summary

Poet and writer Vairamuthu to release his next book named Maha Kavithai.