டெல்லியில் கெத்து காட்டும் பாஜக.. ஆட்சியை இழக்கும் ஆம் ஆத்மி.. கருத்து கணிப்பில் காங்கிரஸ் பரிதாபம்

Updated: Wednesday, February 5, 2025, 19:44 [IST]

Subscribe to Oneindia Tamil

டெல்லி: டெல்லி சட்டசபை தேர்தலில் 27 ஆண்டுகளுக்கு பிறகு பாஜக ஆட்சியை பிடிக்கும். ஆம் ஆத்மியை வீழ்த்தி பாஜக அரியணை ஏறும் என்று Pollster கருத்து கணிப்பில் கூறப்பட்டுள்ளது.

டெல்லி சட்டசபை தொகுதிகளுக்கு ஒரே கட்டமாக இன்று தேர்தல் நடந்து முடிந்துள்ளது. வாக்காளர்கள் வரிசையில் நின்று ஓட்டளித்தனர். மாலை 6 மணிக்கு ஓட்டுப்பதிவு நிறைவு பெற்றது.

delhi exit polls 2025 delhi election exit poll results 2025

இந்த தேர்தலில் பதிவான ஓட்டுகள் பிப்ரவரி 8 ம் தேதி எண்ணப்பட்டு முடிவுகள் அறிவிக்கப்பட உள்ளது. டெல்லியை பொறுத்தவரை மொத்தம் 70 சட்டசபை தொகுதிகள் உள்ளன. இங்கு ஒரு கட்சி தனித்து ஆட்சியை பிடிக்க வேண்டும் என்றால் 36 தொகுதிகளில் வெற்றி பெற வேண்டும்.

டெல்லியில் மும்முனை போட்டி நிலவி வருகிறது. ஆளும் ஆம் ஆத்மி, பாஜக, காங்கிரஸ் இடையே போட்டி உள்ளது. தேர்தல் முடிவடைந்துள்ளதை தொடர்ந்து இன்று மாலை 6.30 மணிக்கு தேர்தலுக்கு பிந்தைய கருத்து கணிப்புகள் முடிவுகள் வெளியாகி வருகின்றன.

அதன்படி டெல்லியில் பாஜக தனி மெஜாரிட்டியுடன் ஆட்சியை பிடிக்கும் என்று pollster கருத்து கணிப்பில் கூறப்பட்டுள்ளது. டெல்லி தேர்தலில் 27 ஆண்டுகளுக்கு பிறகு பாஜக ஆட்சியை பிடிக்கும் என்று தெரிவிக்கப்பட்டுள்ளது.
பாஜக 36 முதல் 44 தொகுதிகளில் வெல்லும் எனவும், ஆம் ஆத்மி 26-34 இடங்களில் வெல்ல வாய்ப்பு என்றும் கூறப்பட்டுள்ளது.

அதேபோல் காங்கிரஸ் கட்சி ஒரு இடத்தில் கூட வெற்றி பெற வாய்ப்பில்லை என்று போல்ஸ்டர் கருத்து கணிப்பில் கூறப்பட்டுள்ளது. இதன்மூலம் டெல்லியில் ஆம் ஆத்மி கட்சியின் செல்வாக்கு சரிந்துள்ள வேயைில் பாஜகவின் செல்வாக்கு அதிகரித்துள்ளதாக இந்த கருத்து கணிப்பு கூறியுள்ளது. அதேபோல் தொடர்ந்து 3 முறை ஆட்சியை பிடித்த ஆம் ஆத்மி இந்த முறை பாஜகவிடம் சறுக்கலை சந்திக்கும் என்று கணிக்கப்பட்டுள்ளது.

டெல்லியில் இதற்கு முன்பு தொடர்ந்து 3 முறை ஆம் ஆத்மி ஆட்சியை பிடித்தது. கடந்த 2014, 2015, 2020 ஆகிய சட்டசபை தேர்தல்களில் டெல்லியில் ஆம் ஆத்மி கட்சி வெற்றி பெற்று ஆட்சியை பிடித்தது. இதில் 2014ல் மட்டும் பாஜக - ஆம் ஆத்மி கூட்டணி அமைத்து இருந்தது. ஆனால் அந்த ஆட்சி உடனடியாக கவிழ்ந்தது. அதன்பிறகு 2015, 2020 சட்டசபை தேர்தலில் ஆம்ஆத்மி மெஜாரிட்டியுடன் ஆட்சியை பிடித்தது. இப்போது மீண்டும் சட்டசபை தேர்தல் நடந்துள்ளது என்பது இங்கே குறிப்பிடத்தக்கது.