கமல்ஹாசனுக்கு கடவுள் மீது நம்பிக்கை இல்லைன்னாலும் பிறப்பால் அவர் ஒரு இந்து- பிரேமலதா

சென்னை: கமல்ஹாசனுக்கு கடவுள் மீது நம்பிக்கையில்லாவிட்டாலும் அவர் பிறப்பால் ஒரு இந்து என்று தேமுதிக பொருளாளர் பிரேமலதா விஜயகாந்த் தெரிவித்தார்.

சுதந்திர இந்தியாவின் முதல் தீவிரவாதி இந்து என மக்கள் நீதி மய்ய தலைவர் கமல்ஹாசன் நேற்று முன் தினம் அரவக்குறிச்சியில் பிரசாரத்தில் கூறினார். இது பெரும் சர்ச்சையை கிளப்பியுள்ளது.

கமலுக்கு எதிராக இந்து அமைப்புகள் போர்க் கொடி உயர்த்தி உள்ளன. இதுகுறித்து தேமுதிக பொருளாளர் பிரேமலதா விஜயகாந்த் பேசுகையில் கமல்ஹாசனுக்கு கடவுள் நம்பிக்கை இல்லை என்றாலும் பிறப்பால் அவர் ஓர் இந்து.

மதரீதியான கருத்துகளை பேசும் போது யாராக இருந்தாலும் சிந்தித்துப் பேச வேண்டும். எந்த மதத்தையும் தரக்குறைவாக பேசினாலும் யாரும் ஏற்றுக் கொள்ள மாட்டார்கள்.

திமுக தலைவர் ஸ்டாலின்- தெலுங்கானா முதல்வர் சந்திரசேகர ராவ் ஆகியோரின் சந்திப்பில் எந்த முக்கியத்துவமும் இருப்பதாக நாங்கள் கருதவில்லை. இருவரின் சந்திப்பு நட்பு ரீதியிலானது என நாங்கள் கருதுகிறோம் என பிரேமலதா தெரிவித்தார்.

English summary

DMDK Treasurer Premalatha Vijayakant says that Depsite Kamal has no faith in God he is a Hindu by birth.