தயாரிப்பாளர் சங்கத் தேர்தல்.. சாதித்த ஜிகேஎம் தமிழ்க்குமரன்.. ஆர்த்தி ரவியின் அம்மாவும் வெற்றி!

சென்னை: தயாரிப்பாளர் சங்கத் தேர்தலில் தலைவர் பதவிக்கு போட்டியிட்ட தயாரிப்பாளர் ஜிகேஎம் தமிழ்க்குமரன் 788 வாக்குகள் பெற்று வெற்றி பெற்றுள்ளார். இதுவரை நடந்த தயாரிப்பாளர் சங்கத் தேர்தலில் தலைவர் பதவிக்கு போட்டியிட்டு அதிக வாக்குகளை பெற்றவர் என்ற பெருமையையும் தமிழ்க்குமரன் பெற்றுள்ளார்.

தமிழ்த் திரைப்பட தயாரிப்பாளர்கள் சங்கத்தின் தற்போதைய பொறுப்பாளர்களின் பதவி காலம் வருகின்ற ஏப்ரல் மாதத்துடன் நிறைவடைகிறது. தயாரிப்பாளர் சங்கத் தேர்தல் மூன்றாண்டுகளுக்கு ஒரு முறை நடைபெறும். அதன்படி 2026 - 2029 ஆண்டுகளுக்கான நிர்வாகிகளை‌ தேர்வு செய்யும் தேர்தல், சென்னை அண்ணா நகரில் உள்ள கந்தசாமி நாயுடு கல்லூரியில் இன்று நடைபெற்றது.

ஓய்வுபெற்ற நீதியரசர் ராஜேஸ்வரன் தேர்தல் அதிகாரியாக நியமிக்கப்பட்டிருந்தார். இதையடுத்து இன்று தயாரிப்பாளர் சங்கத் தேர்தலுக்கான வாக்குப்பதிவு காலை 8 மணிக்கு தொடங்கியது. மாலை 5 மணியுடன் வாக்குப்பதிவு நிறைவு பெற்றது. ஒரு தலைவர், 2 துணைத் தலைவர்கள், 2 செயலாளர்கள், 1 பொருளாளர், 1 இணைச் செயலாளர், 26 செயற்குழு உறுப்பினர்கள் என மொத்தம் 33 பதவிகளுக்கு 100 பேர் போட்டியிடுகின்றனர்.

இந்த முறை இராம நாராயணன் அணி மற்றும் நலம் காக்கும் அணி என இரண்டு அணிகள் போட்டியிடுகின்றன. இதில் நலம் காக்கும் அணி சார்பாக தயாரிப்பாளர் ஜிகேஎம் தமிழ்க்குமரன் தலைவர் பதவிக்கு போட்டியிட்டார். 6 மணிக்கு பதிவான வாக்குகள் எண்ணப்பட்ட நிலையில், ஜிகேஎம் தமிழ்க்குமரன் 788 வாக்குகள் பெற்று வெற்றி பெற்றார். இவர் பாமக கெளரவ தலைவர் ஜிகே மணியின் மகன்.

அதேபோல் பாமக இளைஞரணி செயலாளராகவும் இருந்திருக்கிறார். ஆனால் அன்புமணியுடன் மோதல் ஏற்பட்டதால், பதவியை ராஜினாமா செய்தார். இதன்பின் லைகா நிறுவனத்தில் முதன்மை பொறுப்பில் இருக்கிறார். இதுவரை நடந்த தயாரிப்பாளர் சங்கத் தேர்தலில் தலைவர் பதவிக்கு போட்டியிட்டு அதிக வாக்குகளை பெற்றவர் என்ற பெருமையையும் தமிழ்க்குமரன் பெற்றுள்ளார்.

அதேபோல் பொருளாளர் பதவிக்கு போட்டியிட்ட சுபாஷ் சந்திரபோஸ் 609 வாக்குகளை பெற்று வெற்றி பெற்றார். அதேபோல் இணைச் செயலாளர் பதவிக்கு போட்டியிட்ட நடிகர் ரவி மோகனின் முன்னாள் மாமியாரும், தயாரிப்பாளருமான சுஜாதா விஜய்குமார் 715 வாக்குகளை பெற்று வென்றார். இதையடுத்து பலரும் இவர்களுக்கு வாழ்த்து கூறி வருகின்றனர்.

English summary

Producer Council Election: GKM Tamilkumaran, who contested for the post of chairman in the Producers' Council elections, has won by securing 788 votes. Tamilkumaran also holds the distinction of having received the most votes in the Producers' Council elections held so far.