புதுவை: எம்.எல்.ஏ. பதவியை ராஜினாமா செய்த வெங்கடேசன் திமுகவில் இருந்து தற்காலிக நீக்கம்

Updated: Monday, February 22, 2021, 16:30 [IST]

Subscribe to Oneindia Tamil

சென்னை: புதுச்சேரியில் எம்.எல்.ஏ. பதவியை ராஜினாமா செய்த வெங்கடேசன் திமுகவில் இருந்து தற்காலிகமாக நீக்கப்பட்டுள்ளார்.

புதுச்சேரியில் முதல்வராக இருந்த நாராயணசாமி இன்று சட்டசபையில் நம்பிக்கை வாக்கெடுப்பில் தோல்வி அடைந்தார். இதனால் நாராயணசாமி தலைமையிலான அமைச்சரவை கூண்டோடு ராஜினாமா செய்தது.

Puducherry Resigned MLA Venkatesan suspends from DMK

முன்னதாக நேற்று ஞாயிற்றுக்கிழமையன்று காங்கிரஸ் எம்.எல்.ஏ. லட்சுமி நாராயணன் பதவியை ராஜினாமா செய்தார். அவரை தொடர்ந்து திமுகவை சேர்ந்த வெங்கடேசனும் எம்.எல்.ஏ. பதவியை ராஜினாமா செய்தார்.

புதுச்சேரியில் ஏற்கனவே காங்கிரஸ்-திமுக உறவில் பிரச்சனை இருந்து வருகிறது. காங்கிரஸை திமுக கழற்றிவிடுகிறது என்கிற பேச்சும் உள்ளது. இந்த நிலையில் திமுக எம்.எல்.ஏ. பதவியை ராஜினாமா செய்தது பரபரப்பை கிளப்பியது.

இந்நிலையில் எம்.எல்.ஏ. பதவியை ராஜினாமா செய்த வெங்கடேசன், திமுகவில் இருந்து தற்காலிகமாக நீக்கப்படுவதாக அக்கட்சியின் பொதுச்செயலாளர் துரைமுருகன் அறிவித்துள்ளார்.