திமுக, அதிமுகதானா.. பாஜக, பாமகவில் இல்லையா.. அது ஏன் ரஜினிகாந்த் "அந்த" வார்த்தையை சொன்னார்?!

அதிமுக, திமுக கட்சிகளை சரமாரி விமர்சிக்கிறார் ரஜினிகாந்த்

Updated: Thursday, March 12, 2020, 12:52 [IST]

Subscribe to Oneindia Tamil

சென்னை: வெறும் பதவிதான்.. அதை வெச்சு சம்பாதிக்கணும்.. ஊழல்.. இதுதான் அதிமுக - திமுக என்று இரு கட்சிகளையும் குறி வைத்து ரஜினிகாந்த் பேசியிருப்பது மிகப்பெரிய அதிர்ச்சியை உண்டுபண்ணி உள்ளது!

ஊழல்

திமுக, அதிமுகவிடம் 50,000க்கும் மேற்பட்ட பதவிகள் உள்ளன. இவ்வளவு நமக்கு தேவையில்லை... இதனால் ஊழல் நடக்கிறது.. அவங்க சம்பாதிக்கிறாங்க.. வேற தொழில் அவங்ககிட்ட இல்லை... அதேபோல ஆளுங்கட்சி என்ற பெயரில் அவங்களும் சம்பாதிக்கிறாங்க.. தேர்தலுக்கு பிறகு இந்த பதவிகள் தேவையில்லை" என்கிறார் ரஜினி.

காங்கிரஸ்

இந்த விஷயத்தில்தான் நமக்கு இடிக்கிறது.. வாரிசுகள் என்றால் திமுக, அதிமுகவில் மட்டும்தான் இருக்கிறதா? தேசிய கட்சிகளானபாஜக, காங்கிரஸில் இல்லை என்கிறாரா? அல்லது உள்ளூரில் உள்ள பாமகவில்தான் இல்லை என்கிறாரா? கிட்டத்தட்ட இந்தியாவில் உள்ள அத்தனை கட்சிகளிலும் இதே சிஸ்டம்தான்... ஆனால் திமுக அதிமுக மட்டுமே இது போல வைத்திருப்பதாக ரஜினிகாந்த் சொல்லியிருப்பது உள்நோக்கம் கொண்டதாகவே உள்ளது!

பிடிவாதம்

வட்டச் செயலாளர் தொடங்கி வார்டு செயலாளர் முதல் மாவட்டச் செயலாளர் வரை பல ஆயிரம் பதவிகளுடன் கிட்டத்தட்ட ஒவ்வொரு கட்சியும் இயங்கி வருகின்றன. ரஜினி நாளை கட்சி ஆரம்பித்தால் அவரும் இதுபோலத்தான் செயல்பட்டாக வேண்டும். இல்லை அப்படியெல்லாம் இருக்க மாட்டேன் , தேர்தலுக்கு மட்டும்தான் நீங்க தேவை என்று அவர் பிடிவாதம் பிடித்தால் அத்தனை பேரும் வேறு கட்சிக்குத்தான ஓடுவார்கள். இதுதான் எதார்த்தமும் கூட..

டெல்லி

காரணம் இது இந்தியா .. அமெரிக்கா அல்ல. அமெரிக்காவில்தான் கட்சி கிடையாது, கொடி கிடையாது.. ஏன் தலைவர் பொருளாளர் பொதுச் செயலாளர் கொபசெ என எதுவுமே கிடையாது. இப்படிப்பட்ட சூழல் இங்கு வர வேண்டுமானால் ஒட்டுமொத்த நாட்டையும் மாற்றியாக வேண்டும். அது எப்படி சாத்தியம் என்றுதான் தெரியவில்லை. ரஜினி கூறும் சூழல் மாற்றம் மக்கள் மாற்றம் எல்லாம் நடந்தால் கூட டெல்லி மாறணுமே.. அதுக்கு என்ன கியாரண்டி இருக்கு.. ரஜினி சொன்னால் டெல்லி மாறி விடுமா.. சான்ஸே இல்லையை!

திமுக

ஊழல் என்று வந்துவிட்டால் எல்லா கட்சிகளுக்கும்தான் அடக்கம்.. மநீம, நாம் தமிழர், கம்யூனிஸ்ட்கள் இவர்களை வேண்டுமானால் நாம் விட்டுவிடலாம்.. மற்றபடி எல்லாருமே ஊழலில் சிக்கியவர்கள்தான்... ஊழல் புகாருக்கு ஆளானவர்கள்தான்.. வாரிசு சர்ச்சைகளுக்குள் புகுந்து களை கட்டியவர்கள்தான்.. இதற்கு திமுக, அதிமுக கட்சிகளை மட்டும் ரஜினி சொல்லி இருக்க கூடாது.

பாஜக - பாம

குறை சொல்வதானால் எல்லா கட்சிகளையும்தான் சொல்ல வேண்டும்.. ஆனால் ஒன்று மட்டும் புரிகிறது-. ரஜினிக்கு முதல் குறி அதிமுக - திமுக மட்டும்தான்.. அதை தகர்த்தால்தான் தனது அரசியல் வாழ்க்கை என்று அவருக்குப் புரிந்து விட்டது. அதனால்தான் புரட்சி என்கிறார்.. அலை என்கிறார்.. மாற்றம் என்கிறார்!