அந்த ஒரு வார்த்தைதான் சொன்னாரு.. அதுக்காக ரஜினி உட்கார்ந்த சேர் வரைக்குமா.. விடாத நெட்டிசன்கள்

சென்னை : நடிகர் ரஜினிகாந்த் இன்று ரஜினி மக்கள் மன்ற மாவட்ட செயலாளர்களுடன் நடத்திய ஆலோசனை குறித்து அளித்த பேட்டியை வைத்து ரசிகர்கள் பல வகையான மீம்ஸ்களை வெளியிட்டிருக்கிறார்கள்.

நடிகர் ரஜினிகாந்த் சென்னை கோடம்பாக்கத்தில் உள்ள ராகவேந்திரா திருமண மண்டபத்தில் இன்று ரஜினி மக்கள் மன்ற மாவட்ட செயலாளர்களுடன் ஆலோசனை நடத்தினார்.

ஓராண்டுக்கு பிறகு மீண்டும் கூடிய ரஜினி மக்கள் மன்ற நிர்வாகிகள் கூட்டம் என்பதால் 37 மாவட்ட செயலாளர்களும் பங்கேற்றிருந்தனர். சுமார் 1.30 மணி நேரத்திற்கு மேல் ஆலோசனை நடத்தியிருக்கிறார் ரஜினி. கட்சி தொடங்குவது குறித்து, தற்போதைய அரசியல் சூழல் குறித்து. கட்சியின் கொடி, பூத் கமிட்டி உறுப்பினர்கள் சேர்க்கை வரை பல விஷயங்களை விவாதித்துள்ளார்.

பின்பு சொல்கிறேன்

இந்த கூட்டத்திற்கு பின் சென்னை போயஸ் கார்டன் இல்லம் முன்பு செய்தியாளர்களை ரஜினி சந்தித்தார். அப்போது அவர் பேசுகையில், "அரசியல் கட்சி தொடங்குவது குறித்து மாவட்ட செயலாளர்களை சந்தித்து கலந்துரையாடினேன். மாவட்ட செயலாளர்களுடன் பேசிய போது ஒரு விஷயத்தில் எனக்கு திருப்தியில்லை; ஏமாற்றமே. திருப்தியில்லாத, ஏமாற்றமடைந்த விஷயம் என்னவென்று பின்னாடி சொல்கிறேன்.

வெற்றிடம்

குடியுரிமை திருத்த சட்ட விவகாரத்தில் பிரதமர் நரேந்திர மோடி மற்றும் மத்திய உள்துறை அமைச்சர் அமித்ஷாவுடன் பேச்சுவார்த்தை நடத்துமாறு இஸ்லாமிய அமைப்பினருடன் கூறியிருக்கிறேன். அதற்காக பேச்சுவார்த்தை நடத்த என்னால் முடிந்த வரை உதவி செய்வதாகவும் அவர்களிடம் கூறியிருக்கிறேன்.. தமிழக அரசியலில் ஏற்பட்டுள்ள வெற்றிடத்தை நிரப்புவது பற்றி நேரம் தான் பதில் சொல்ல வேண்டும்" என்றார்.

Double decked chairs 😄❤️#Rajinikanth 👑 pic.twitter.com/xC88pDXxfb

— Viswa (@itsViswaa2) March 5, 2020

நெட்டிசன்கள்

ரஜினியின் இந்த பேட்டியில் அவர் சொன்ன ஏமாற்றம் என்னவாக இருக்கும் என்று ரசிகர்கள் நீண்ட ஆராய்ச்சியை சமூக வலைதளங்களில் நடத்திக்கொண்டிருக்கிறார். ரஜினி மக்கள் மன்ற நிர்வாகிகள் சந்திப்பை வைத்து பல்வேறு விமர்சனங்களையும் கருத்துக்களையும் ரசிகர்கள் பதிவிட்டு வருகிறார்கள். ஒரு ரசிகர் ரஜினி உட்கார்ந்திருந்த இரட்டை சேரை குறிப்பிட்டு ரஜினி இதுவரை உட்கார்ந்த பல காட்சிகளிலும் இரட்டை சேர் இருப்பதை குறிப்பிட்டுள்ளார்.

😁😁😁 pic.twitter.com/tSpwier0KH

— Rãjíñì_f@ñ_Págé🤘 (@rajinifanpage12) March 5, 2020

வடிவேலு பாணி மீம்ஸ்

இன்னொரு ரசிகர் தனது டுவிட் பதிவில் ரஜினிசொன்ன ஒரு விஷயத்தில் ஏமாற்றம் உள்ளது. அதை பின்னர் சொல்கிறேன் என்று கூறியதை குறிப்பிட்டு வடிவேலு பாணியில் அப்படி என்ன தான் ஏமாற்றம் என்று மீடியாக்கள் தவிப்பது போல் மீம்ஸ் போட்டுள்ளார். இப்படி பலரும் பல வழிகளில் ரஜினியை வைத்து மீம்ஸ் பதிவிட்டு வருகிறார்கள்.

English summary

rajinikanth troll in social media over his speech about politcal party start