ஒன்றாக வந்த பன்னீரும் பழனியும்.. மாநிலங்களவை தேர்தலுக்கான அதிமுக வேட்பாளர்கள் வேட்புமனுத்தாக்கல்

Published: Monday, May 30, 2022, 16:52 [IST]

Subscribe to Oneindia Tamil

சென்னை: மாநிலங்களவை தேர்தலில் போட்டியிடும் அதிமுக வேட்பாளர்களான சி.வி.சண்முகம் மற்றும் ஆர்.தர்மர் ஆகியோர் இன்று தலைமைச் செயலகத்தில் வேட்புமனு தாக்கல் செய்தனர்.

அதிமுக வேட்பாளர்கள்

அதன் அடிப்படையில், அதிமுக வழிகாட்டுக் குழு உறுப்பினரும் விழுப்புரம் மாவட்ட செயலாளரும் முன்னாள் அமைச்சருமான சி.வி.சண்முகம் மற்றும் முதுகுளத்தூர் ஒன்றிய அதிமுக செயலாளரும் ஊராட்சி ஒன்றியக் குழுத் தலைவரும் ராமநாதபுரம் மாவட்ட முன்னாள் செயலாளருமான ஆர்.தர்மர் ஆகியோர் அதிமுக வேட்பாளர்களாக அறிவிக்கப்பட்டனர்.

வேட்புமனுத் தாக்கல்

இதனை தொடர்ந்து இருவரும் அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் முன்னிலையில், சென்னை தலைமைச் செயலகத்தில் சட்டப்பேரவை செயலாளரும், தேர்தல் நடத்தும் அதிகாரியுமான சீனிவாசனிடம் வேட்புமனுவை தாக்கல் செய்தனர். இந்த நிகழ்வின்போது அதிமுக மூத்த நிர்வாகிகளும் உடன் இருந்தனர்.

சி.வி.சண்முகம்

இதில் முந்தைய அதிமுக ஆட்சியில் சட்டத்துறை அமைச்சராக பதவி வகித்த அதிமுகவின் முக்கியத் தலைவர்களில் ஒருவராக இருந்த சி.வி.சண்முகம் 2021 சட்டமன்றத் தேர்தலில் தோல்வியடைந்தவர். தற்போது எந்த அரசு பதவிகளிலும் இவர் இல்லாத நிலையில், வைத்திலிங்கத்துக்கு முன்பு வழங்கப்பட்டதைபோல் தற்போது சி.வி.சண்முகத்துக்கு மாநிலங்களவை தேர்தலில் போட்டியிட வாய்ப்பு வழங்கியுள்ளது அதிமுக.

ஆர்.தர்மர்

மற்றொரு வேட்பாளரான ஆர்.தர்மர் தென் மாவட்டமான ராமநாதபுரத்தை சேர்ந்தவர். ஓ.பன்னீர்செல்வத்தின் ஆதரவுடன் அவருக்கு இந்த வாய்ப்பு வழங்கப்பட்டிருப்பதாக கூறப்படுகிறது. முன்பு மாவட்டச் செயலாளராக பதவி வகித்து இருந்தாலும் தற்போது ஒன்றிய பொறுப்பில் மட்டுமே இருக்கிறார். அதிமுகவில் அதிகம் அறிமுகம் இல்லாத தர்மரை தற்போது இத்தேர்தலில் களமிறக்கியதன் மூலம், முன்னாள் முதலமைச்சர் ஜெயலலிதா பாணி அரசியலை இதில் இபிஎஸ், ஓபிஎஸ் கையில் எடுத்திருப்பது தெரிகிறது.

Published On May 30, 2022